Ezekiyel 16:15 - Bible azumeina

¹⁵ Ma didina mi de kua ala: Wani ndak tin huru’î yam djif ma’â, ndak mbut tak gaulangâ yam simiyêk ma nde yinina, ndak nga le gaulangâ ki sama lara ma nga mi kalâ, ndak hum tak mi.

Ezekiyel 16:15 Iomraidhean Croise

1 Amuleina 11:5

Mi kud’or Astarte alod’a hi suma Sidon-nid’a ki Milkom alo ma ndjendjed’a hi suma Amon-nina mi.

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

2 Amuleina 17:7

Ndak ndata ti mba yam Israel-lâ, kayam azi le tchod’a avok Ma didina Alo mazi ma pad’azï woi yam andaga d’a Ezipte-d’a abo amulâ Faron-na, a kud’or alo ma ding ma tetengâ mi.

2 Amuleina 21:3

Mi hulong mi min yima nding ma teteng ma kud’or filei ma abum Ezekiyas mi tom mbeina akulo. Mi min yima ngal ahle suma ngat buzuna teteng á kud’or alo ma a yuma ala Bäl-lâ, mi pagu ma murgulina malo d’a a yat ala Asera-d’a d’igi Ahap amul ma Israel-lâ mi ladjeu na, mi nga mi grif kä avok ahle suma akulona, nga mi kud’urozi mi.

Sawal la giled’a 106:35

wani azi zlap tu ki sed’eziya, a nga hat sun mazi d’a azi lata mi.

Isai 1:21

Ang azì ma amul ma d’engzengâ, ni nana ba, ang mbut d’igi atcha d’a gaulangâ na ge? Angî ma a nga ka sariya d’a d’ingêra kurung adjeuna, angî ma a nga le sun nda irata kurung adjeuna mi. Wani ki tchetchemba, suma tchi matna a nga kaka kurungî aziya.

Isai 48:1

Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Isai 57:8

Agi nga minigi va magi ma ge humba avun gonga ata agu ma avunatna, kayam agi walagi woi dei ki sed’enu. Agi nga fogogi baruna woi atagiya, nga djagagi akulo gandilad’a, agi nga lagi azang magi ma burâ bubud’a, agi nga djinigi vunagi ki suma agi hurugi vazang mazinina, agi nga golozi gandila mazid’a mi.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Jeremi 3:1

Ma didina mi dala: Agi danu! Na ni atcha d’a ndjuvut mi digit tei d’a ti ve mandjuf ma dingîd’a, ndjuvut ma avo’â mi hulong vat tei zu? Ambas sa wanda mba d’i mbut ni ndjendjed’a ki irat fafat tuo zu? Wani agi mbud’ugi tagi gaulangâ ki suma ablaud’a. Agi min ala an hulong an vagi d’ei zu?

Jeremi 7:4

Ar agi tinigi hurugi yam zla d’a de d’a mbut ira ala: Gong nga kud’ora hi Ma didinid’a ti kä wana, gong nga kud’ora hi Ma didinid’a ti kä wana, gong nga kud’ora hi Ma didinid’a ti kä wana d’a d’i.

Ezekiyel 16:16

Ndak yo baru mak ma nga kandjaf d’udjod’a teteng atama, ndak minim akulo yam yima ndingâ ndak le gaulangâ kamu. Wani vama hina mi le nga avok yam tu d’i, vama hina mba mi mba bugol luo mi.

Ezekiyel 16:25

Ndak min yima ndingâ avun lovot ta lara ge pet, ndak mbut tak ndjendjed’a ki djif ma’â, ndak he tak mi sama lara ma nga mi kalâ, ndak nga i ki gaulang ma’â avogovogo.

Ezekiyel 20:8

Wani azi tchol huneîd’a ki sed’enu, a humun nga vunan ndi. Sa tu pî, mi ar nga ahle suma ndjendje suma mam le d’od’oka kazina woi d’i, a ar nga filei ma Ezipte-na woi d’uo mi. An djib’er ala an mba ni zal hurun kazi gak ni dap vun ayî mana kazi kur ambas sa Ezipte-d’a.

Ezekiyel 23:3

A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba.

Ezekiyel 23:8

Ti nga d’i i avogovok ki gaulang mat ma ti tcholï ki sed’em Ezipte-na, kayam a zlap ki sed’et ni kid’a ndat ki gogorota dei, a lamat apot ni kid’a ndat ki gogorota dei, a le gaulang mazina ki sed’et mi.

Ezekiyel 27:3

ma nga kaka avun alum ma ngolâ ma nga mi mbut abom ki suma ablau suma a nga kaka avun alum ma ngolîna, ang dum ala: Salad’a Ma didina mi dala: Ang azì ma Tir ma nga subur tang yam djif mangîna!

Ezekiyel 33:13

Le an de mi ma d’ingêrâ ala: Ang mba kak karid’a, wani le mi tin hurum yam d’ingêr mam mba mi lat adjeud’a ala: Ti ndaga, mi le tchod’a ni, an mba ni djib’er yam sun mam mba d’ingêr ra mi lat adjeud’a d’i. Mam mba mi mit yam tcho mam mba mi lata.

Wana ni mbaktumba hi Oze-d’a 1:2

Wana ni zla d’a Ma didina mi dat avok mi Oze-d’a: Mi dum ala: Ang i veï atcha d’a nga d’i le gaulangîd’a. Gro suma ang mba vud’uzi ki sed’etna a mba le ni gaulangâ hina mi. Kayam suma kur ambasina a he tazi á le gaulangâ, a hazigazi mi an Ma didina.

Wana ni mbaktumba hi Oze-d’a 4:10

Azi mba te, wani azi mba hop pi, azi mba le gaulangâ, wani azi mba zul li, kayam azi noyôn an Ma didina woi á le gaulangâ.

Wana ni mbaktumba hi Oze-d’a 4:18

Ata yima abozi mi dap tche mazid’ina, a he tazi á le gaulangâ, amulei mazina huruzi mi ve nahle mazi suma zulona mi.

Wana ni mbaktumba hi Oze-d’a 9:1

Agi Israel-lâ, agi lagi furîd’a d’oze hur ma hapma d’igi andjaf suma dingâ na d’i, kayam agi walagi woi kAlo magina á lagi gaulangâ, agi nga minigi wurak ka ata yat tuo d’a ata yima lara ma a nga to gemena kuana.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Sofoni 3:11

Kur bur máma zulona mba mi lagi yam sun nda pet ta agi lata ki sun nda tcho d’a agi lat avoronda d’uo d’a. Ata yi máma an mba ni walagi woi kahle suma a zud’ugi á subur tad’ina, agi mba suburugi tagi yam ahina man nda a tinit irat vata d’uo d’a.

Matiye 3:9

Ar agi djib’eregi kurugi ala Abraham nabui ngolo hina d’i, kayam an nga ni dagi woi mbak Alona mi ndak á mbut ahuniyô suma wana grona mi Abraham.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

Suma ka sariyad’a 10:6

Israel-lâ a nde le sun nda ding nga Ma didina tam nga d’i lum djivi kat tuo d’a, a nga kud’or alo ma a yum ala Bäl-lâ kalo d’a a yat ala Asera-d’a, a nga kud’or alo ma teteng ma hi suma Siri-na, hi suma Sidon-na, hi suma Mowap-ma, hi suma Amon-na, hi suma Filistê-nina mi. A ar Ma didina woyo, a nga lum sunda d’uo d’a.

Suma ka sariyad’a 2:12

A ar Ma didina Alona habuyozi ngolo ma buzuguzï woi kur Ezipte-na woyo, a zlap kalo ma tetengâ hi suma a nguyuzina, a nga grif kä avoromu. Ni hina ba, a zal hur Ma didina.

Suma ka sariyad’a 3:6

Azi vik grozi suma aropma, azi he grozi suma aropma mi grozi suma andjofâ, a nga kud’or alo mazina teteng mi.