Ezekiyel 16:11 - Bible azumeina

¹¹ An minik kahle suma djifâ, an tchuguk wulaka abogu, an tchuguk hed’euna kelek mi.

Ezekiyel 16:11 Iomraidhean Croise

Ad’u Tinda 24:22

Kid’a djambala ndak dad’a, mi hle ngangam ma lor ma ngal wiwilik ma anegem ndak grama karagayana, mi nigittchi atchinad’u, mi yo wulak ka lor ra mbà d’a aneget kal grama kisa, mi tchuguttchi del abot abot mi,

Ad’u Tinda 24:47

An djobot ala: Nda’î nge goromba ge? Ti dan ala: An ni Betuwel ma Milka vud’um mi Nahor-râ goromba. Ata yi máma an nigit ngangama atchinad’u, an tchugut wulaka del abot mi.

Ad’u Tinda 24:53

Mi buzugï ahle suma a yorozi ki kawei ma hapma ki lorina woi abu ngola ki baruna, mi hazi mi Rebeka, mi hahle suma guzuzi kal teglesâ mi wiyetna kasut mi.

Ad’u Tinda 35:4

Azi he Jakob filei ma teteng ma nga abozina, ki ngangam ma nga humazina. Jakob mi ngeyezi kä ad’u agu ma ngolâ, go ki Sikem.

Ad’u Tinda 41:42

Faron mi pat ngangam ma amul ma aboma, mi nigim abo Josef, mi tchugum baru d’a djif fa luluîd’a atamu, mi tchugum vayîr ma lora kelem mi.

Ester 2:17

Amulâ hurum ve Ester kal arop suma dingâ pet, mi le kat kal gro arop suma dingâ pet mi. Ata yi máma mi kulubut avaval la amula kad’u, mi vragat amula balum Vasti.

Wana ni mbaktumba hi Job-pa 42:11

B’oziyom suma andjofâ, b’oziyom suma aropma ki suma mam wazi adjeuna pet, a mbeï gevemu, a nga te ki sed’em avo hur aziyamu, a nga yoromu, a nga b’lengêm hurum yam ndak ka pet ta Alona mi mbamzi kamba. Nge nge pî mi hum kawei ma hapma tutu ki ngangam ma lora tutu he d’a hawad’a.

Buzuk ka Abud’a 32:2

Aron mi hulong dazi ala: Agi fogogï ngangam ma lor ma nga hum amiyôginina ki ma hum grogi suma andjofîna ki ma hum grogi suma aropmina, agi mbeyendjïya.

Buzuk ka Abud’a 35:22

Andjofâ karopma pet suma huruzi djivid’ina, a mba ki ngangam ma humba ki ma atchina ki ma abona ki ma kela kahle suma a lazi ki lorina pet, a hazi he d’a hawa d’a tak ka a tinit irat vata mi Ma didina.

Zla d’a d’ogolâ 1:9

Azi ni d’igi avaval la djif fa ang kulubut kanga na, d’oze d’igi yeyê ma ang gum kelengâ na mi.

Zla d’a d’ogolâ 25:12

Ngop pa ndavun sama ned’a d’a sana mi humut ki humamba, ti ni d’igi ngangam ma lor ma humba d’oze d’igi hed’eu ma lor ma bei zozota ba na na mi.

Zla d’a d’ogolâ 4:9

Mba d’i tining avaval la djivid’a kangû, mba d’i d’ud’ung kadamul la djifâ kang mi.

Sawal la kal teglesa 1:10

Agozlok mi djifâ ki ngangam ma humba, delek ki djifâ ki hed’euna mi.

Sawal la kal teglesa 4:9

Aman nda hurun vak heîd’a, ndak lan tan djivid’a heî, gol la ndak golon yak tud’a lan tan djivid’a heî, gol la an gol hed’eu ma kele’îd’a tan lan djivid’a heî mi.

Isai 28:5

Kur bur máma Ma didin ma ad’engêm kal petna mba mi mbut navaval la wiled’a ki djum mba subura yam mam suma a arâ.

Isai 3:19

ngangam ma humba, wulaka, lafeina,

Isai 3:21

ngangam ma abona, ngangam ma atchina,

Hor ma tchina 5:16

Avaval la kamid’a ti tchuk kä woi da’. Ni zla d’a hohoud’a kamiya, kayam ami lami tchod’a.

Ezekiyel 16:17

Ndak yo aduk ahle mak suma djifâ, ndak yo lora ki kawei ma hap ma an haksina, ndak minizi anguza andjofâ, ndak le gaulangâ ki sed’ezi mi.

Ezekiyel 23:40

A nga halï andjofâ ata yima deina, a ge sunda kaziya, a faziya, azi mba mi. Arop ndazina a mbus tazi woyo, a sat mbul ma djivina iraziya, a buzuk kei kahle suma djifâ ataziya.

Ezekiyel 23:42

Suma ablaud’a a mba avo hataziya. Suma a nga hum siwel la furîd’a hi suma ablau suma a tcholï hur fulâ abom ma lara ge petna avo hataziya, a tchuk wulaka del abo b’oziyo d’a mbà ndata, a d’ud’uzi kadamul la djifâ kazi mi.

Daniel 5:16

An hum ala ang ndak á vad’ud’a yam zla d’a d’ogol la tetenga ki zla d’a muduri d’a ad’enga mi. Ki tchetchemba, le ang ndak á ndum zla d’a b’ir ndata, ang vandji ad’ut tei mi ni, an mba ni tchugung baru d’a hleu d’a sisila atangû, an mba ni tchugung vayîr ma lora kelengû, an mba ni tining ma te yam ma hindina kur leud’a mi.

Daniel 5:29

Atogo hina zak Baltazar mi he vuna mi mam suma sunda ala a tchuk baru d’a hleu d’a sisila ata Daniel, a tchugum vayîr ma lora kelemu, a tinim ma te yam ma hindina kur leud’a mi.

Daniel 5:7

Amulâ mi er ad’um akulo ki delem mba ngola ala a mba ki suma mbuta, suma kumana ki suma a djop ki tchitchiud’a suma Babilon-na. Mi dazi ala: Sama ndum zla d’a b’ir ndata mi vandji ad’ut tei mi na, an mba ni tchugum baru d’a hleu d’a sisila atamu, an mba ni tchugum vayîr ma lora kelemu, an mba ni tinim ma te yam ma hindina kur leud’a mi.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Sunda hi suma hi Levi-nid’a 8:9

Mi d’ud’um kadamula kamu, mi b’alam kawei ma lora avorom ata kadamul la kamba d’igi Ma didina mi hum vuna na.

Ndumba 31:50

Kayam ndata, ami mbami ki he d’a hawad’a mi Ma didina. Nge nge pî mi mba kahle suma lor suma ami fazina, nala, vayirâ, wulaka, ngangama, ngangam ma humba ki ma kela, kayambala ami zlubumi yam tcho mamid’a avok Ma didina d’a.

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.

Vama ndum mbeina 4:10

ata yi máma na wat, suma nglo suma dok mbà yam fid’ina a grif kä avok mam ma nga kaka yam zlam mba amulina, a kud’or mam ma nga karid’a gak didina. A tchuk avaval mazid’a kä avok zlam mba amula, a dala:

Vama ndum mbeina 4:4

Zlam mba amul ndata nga nguid’a ki zlam mba dinga dok mbà yam fid’i. Suma nglona dok mbà yam fid’i a nga kaka yam zlumiyô ndazina ki baru d’a hapa ataziya, avaval la lora nga kazi mi.

Suma ka sariyad’a 8:24

Zedeyon mi dazi kua ala: An nga ni tchenegi va tu. Ar nge nge pî adigagi mi han ngangam ma mi hurumumina tutu. Kayam suma djangûna a nga ki ngangam ma lora, kayam azi ni suma hi Ismael-lâ.