Ezekiyel 16:10 - Bible azumeina

¹⁰ An tchuguk baru ma djifâ atagu, an tchuguk atuguru ma ba’â asegu, an djinik d’ik ma luluîna kuruk ki baru angsuwad’a atagu.

Ezekiyel 16:10 Iomraidhean Croise

Ad’u Tinda 41:42

Faron mi pat ngangam ma amul ma aboma, mi nigim abo Josef, mi tchugum baru d’a djif fa luluîd’a atamu, mi tchugum vayîr ma lora kelem mi.

Sawal la giled’a 45:15

A nga it mamulâ ki baru mat ma d’udjod’a teteng máma atad’u; ti nga d’i i ki ndrot yuguneina gen amulâ.

Buzuk ka Abud’a 25:5

bak gamlâ ma a tchorom hleud’ina, bak azar ma aduk mbina kä ma a yum ala dofênina kagu kasiyana,

Buzuk ka Abud’a 26:14

Agi dubugi vama zlup yam zlub’ud’a ma hindina ki bak gamlâ ma a tchorom hleud’ina ki bak azar ma aduk mbina kä ma a yum ala dofênina á ged’a kam akulo.

Buzuk ka Abud’a 26:36

Agi tchiligi baru d’a avun zlub’ud’id’a gizeîd’a ki baru d’a par ra botlozid’a ki d’a hleu d’a sisila ki d’a hleu d’a kekenga ki d’a luluî d’a lalavata mi. Ar sama d’al ma we barud’a tchilina, mi tchilit ni mamu.

Buzuk ka Abud’a 28:5

Ma tchil barud’a mi yo baru d’a par ra botlozid’a ki d’a hleu d’a sisila ki d’a hleu d’a kekenga ki d’a luluî d’a lalavata ki lor ra a parat baru barud’id’a mi.

Zla d’a d’ogolâ 31:22

Ti nga d’i tchil borogona, ti nga ki baru ma luluî ma hleu ma sisilâ atat mi.

Isai 3:23

kotroma, baru d’a irat ndjâd’a, kadamula ki baru d’a tchuk kela.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Ezekiyel 16:13

Ni hina ba, an tchuguk lora ki kawei ma hapma, an tchuguk baru d’a luluîd’a atagu, ki baru angsuwad’a ki baru d’a d’udjod’a atak mi. Ndak tafut ta adiged’id’a, mbul ayuma ki mbulâ mi, ndak mbut djif ma kalâ, ndak ndak á te leud’a mi.

Ezekiyel 16:18

Ndak yo baru mak ka djif fa d’udjod’a, ndak zlubuzizi kaziya, ndak hle mbul mana ki dubang man ma his djivid’ina, ndak lazizi ataziya.

Ezekiyel 16:7

An d’uvuk d’igi asu ma deî abageina na. Ndak wula, ndak djengâ, ndak mbut djifâ. Apok mi deyâ, tumus sa kaka ti se mi. Wani nda’î gandilad’a kezigineû.

Ezekiyel 26:16

Amulei suma avun alum ma ngolîna pet a mba tchuk asezi kä woi yam zlumiyô mazi suma amula, a mba fok baru mazi d’a nglod’a woyo, a mba ar baru mazi ma d’udjod’a woi mi, a mba tchu’î mandarâ atazi d’igi baruna na, a mba ka’î kä andaga. Ata yima lara pî a mba zlaga, a mba mbut hohoud’a kang mi.

Ezekiyel 27:16

Suma Siri-na a nga mbut abozi ki sed’eng kahle suma ablau suma a nga kurungâ, a nga mba kahina d’a guzut kal tegles sa a yat ala Eskarbukled’a ki baru d’a hleu d’a sisila, ki d’a d’udjod’a ndundub’uka, ki d’a luluîd’a kahina korela kahina d’a a yat ala rubid’a mi.

Ezekiyel 27:7

A min baru mang nga yam batod’id’a ni ki baru d’a luluî d’a Ezipte d’a d’udjod’a, a mining zlub’u manga ni ki baru d’a hleu d’a sisila, ni ki baru d’a hleu d’a kekeng nga kur til la Elisa d’a.

Wana ni Zla d’a Djivi d’a Luc mi b’irita 15:22

Wani abum mi de mazungeî mama ala: Agi mbeyegï atogo ki baru d’a djif fa kal teglesa, agi tchugumzi atamu, agi nigim ngangama abomu, agi tchugum atuguruna asem mi.

Vama ndum mbeina 18:12

Lora, kawei ma hapma, ahina d’a guzut kal teglesa ki hed’eu ma ngal wiwili’â ki baru ma hap ma luluîna ki baru d’a hleu d’a kekenga kagu ma tchet ma guzum kal teglesâ ki kawei ma hleuna ki kawei ma ged’a kahina d’a hleud’a,

Vama ndum mbeina 19:8

Mi hat lovota á tchuk baru d’a hap pa luluî d’a nga d’i ngal wiwilika atat mi. Baru d’a hap pa luluî ndata ti ta’î sun nda d’ingêra hi suma hAlonid’a.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.