Ezekiyel 13:17 - Bible azumeina

¹⁷ Ma didina mi dan kua ala: Ang gor sana, ang mbut irang ata arop suma Israel suma a nga djok vuna yam djib’er ra kuruzid’ina, ang djogozi vuna.

Ezekiyel 13:17 Iomraidhean Croise

Ezekiyel 13:2

Ang gor sana, ang djok vuna mi suma djok vun suma Israel suma a nga djok vuna yam djib’er ra kuruzid’ina, ang dazi ala: Agi humugi zlad’a hi Ma didinid’a.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.

2 Amuleina 22:14

Ma ngol ma ngat buzuna Hilkiya ki Ahikam ki Akbor ki Safan ki Asaya a i avo hi d’a djok vun Alona Hulda d’a nga kaka avo Jerusalem kur kartiye d’a awilid’id’a. Natchad’a hi Salum ma Tikva gorom ma Harhas gorom ngolonina, ni ma ngom baru ma nga kur gong nga kud’orina. Azi vat ad’u zla d’a azi mba kata.

Suma ka sariyad’a 4:4

Kur atchogoi ndata Debora d’a djok vun Alona d’a atchad’a hi Lapidot-ta, ni d’a ngola nga avok Israel-lîd’a,

Wana ni Zla d’a Djivi d’a Luc mi b’irita 2:36

Ta djok vun Alona nga, simiyêt ala Anne, ni Fanuwel ma ad’u andjafâ hi Aser-rîna goromba. Ti le bizad’a ablaud’a; kid’a ndjuvut mi vat ki weyeta ti le bizad’a ki sed’emî kid’iziya.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

Ezekiyel 21:2

Ang gor sana, ang mbut irang abo ma sutna hambasina, ang djok vuna mi suma a nga kaka aduk agud’a abo ma sutnina.

Ezekiyel 4:3

Ang hle taza ma kaweina, ang tinim d’igi gulumuna na adigagi kazì ma ngol máma, ang i irang kam á durâ, ang nguyum kä. Wana ni vama taka yam Israel-lâ.

Isai 4:4

Ma didina mba mi mbus ndjendjed’a harop suma Jerusalem-ma woyo, mba mi mbus buzu ma djang ngei kur Siyon-na woi ki simet ma mbud’uzi d’ingêr ma mbud’uzi yed’et mi na.

Sunda hi suma a sunuzinid’a 21:9

Mam nga ki grom yuguneina fid’i suma a nga djok vun Alonina.

Nehemi 6:14

An tchen Alona kua ala: Alo mana, ang djib’er yam Tobiya azi ki Sanbalat yam sun nda azi nga lata, ki d’a djok vuna Nowadiya ki suma djok vun suma ding suma a nga hal lovota á mbud’un mandarîna.