Ezekiyel 13:11 - Bible azumeina

¹¹ Ang de mi suma a nga gulud’um ki lasod’ina ala: Alo ma se ma tchona mba mi mba, mogoi ma nglona mba mi yak kä, babar ma ngolâ mba mi mba. Gulumun máma mba mi to kä woyo.

Ezekiyel 13:11 Iomraidhean Croise

Wana ni mbaktumba hi Job-pa 27:21

Simet ma abo ma yorogona mba mi hlum mi i ki sed’emu, mba mi hlum mbei kad’enga ata yima mam nga kuana.

Wana ni mbaktumba hi Job-pa 38:22

Ang kal gak i ata yima a ngom nesâ kuana zu? Ang we yima a ngom mogoina kua

Wana ni mbaktumba hi Job-pa 38:23

ma an tinim nga vam yam yima ndaka, yam yima huneîd’a kayî ma durîna zu?

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Sawal la giled’a 32:6

Kayam ndata, ar suma d’engzengâ pet a tcheneng ata yima azi nga ki irazi tua na. Le ndak ka ngola kus kazi d’igi mbina mi kus hina pî, mba d’i fazi d’i.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 28:2

Gola! Sama ad’eng ma sib’ik ma Salad’a mi sunumina nga mi djïya. Mi ni d’igi alo ma se ki mogoinina na, mi ni d’igi babar ma ngol ma mi b’lak ahlenina na, mi ni d’igi alo ma mi se mbina heî ma hle yina d’igi toliyonda na na. Mam mba mi b’lak yam andagad’a woi kad’enga na mi.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 32:19

Wani mogoina mba mi kizak agud’a woi atogo zak, azì ma ngolâ mba mi feî mi.

Ezekiyel 1:4

Ata yi máma an gola, an we babar ma ngol ma bibi’â mi tcholï abo ma norâ ki d’ugul la ngola zlapa kakud’a, nga d’i wile ti ngui yina woi gevet d’uhl. Vana nga mi wile adigat d’igi kawei ma hleu ma a hegema na, mi nde woi aduk aku ndata.

Ezekiyel 13:12

Ata yima gulumuna mi dris kä na, a mba dagi ala: Laso d’a agi gulud’ugizi ki d’a, ti nga ni lara ge d’uo zu?

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Nahum 1:3

Ma didina nga mi mbut ayîna atogo d’i, ni ma ad’engêm kal heîna, nga mi ar sama zlad’a kama bei ngopa d’i. Nga mi tit aduk mbirlimba, aduk babarâ, d’ugula ni gugum ma ad’u asema mi.

Matiye 7:25

Alona mi se, mbiyo ma kä na mi kuza, babarâ mi le bibik giget gong ndata mi, wani ti to nga kä d’i, kayam mi gat ad’ut ni yam ahinad’a.

Matiye 7:27

Alona mi se, mbiyo ma kä na mi kuza, babarâ mi le bibik giget gong ndata mi, ti to kä woi ndjandjap, ti b’lak kei kakazeî mi.