Ezekiyel 12:3 - Bible azumeina

³ Ang gor sana, ang min ahle mang suma akoid’a kä ir suma a mba yozi magombina, ang nde woi ni irazi falei na. Ang nde woi ata yima ang nga kaka kuana á i ata yima dingâ kä woi irazi na. Dam azi mba wala azi nandjaf ma bei hum vuna kla.

Ezekiyel 12:3 Iomraidhean Croise

Sawal la giled’a 81:13

Kayam ndata, an arazi kur hur mazi ma b’al ma kiki na; a tit bugol nga hur mazina mi.

Jeremi 10:17

Jeremi mi dala: Ndak Jerusalem mba nguyuka, ndak yo ahle ma’â kä á id’a.

Jeremi 26:3

Dam a mba huma, nge nge pî mba mi ar sun mam mba tchod’a woi kla. Hina wani, an mba ni ar tcho d’a an ngat kurun á lazizi yam sun mazi d’a asa’at ta azi lata woyo.

Jeremi 27:2

Ang i par ziyona teteng, ang i tchet dju’â teteng mi, ang tchuk suma hiuna kelengû,

Jeremi 36:3

Dam suma Juda-na a mba hum zla d’a tcho d’a an ngat kurun á lazizid’a tala a mba hulongî nge nge pî mba mi ar tit mam mba tchod’a, an mba ni vat hurun ndei yam tchila mazid’a ki tcho mazid’a zi ge d’a.

Jeremi 36:7

Dam tchen mazi d’a hud’a mba d’i i avok Ma didina, azi nge nge pî mba mi hulongî ar tit mam mba tchod’a woyo, kayam ayîna ki hur ma zala hi Ma didina ma mi zalam yam sum ndazinina mi kal ngola heî.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Ezekiyel 12:7

An lahle suma Ma didina mi han vun kazina, an buzuk ahle mana woi falei d’igi sama a im magombina na. Ki fladeged’a an tcho gulumuna kabonu, an nde kandjeged’a, an yo ahlena kä irazi na.

Ezekiyel 3:26

An mba ni b’alang sinang akulo ata d’id’igang tala ang kak sama ndumîd’a bei de zlad’a d’a, tala ang fe lovota á ngobozi d’uo d’a, kayam azi nandjaf ma bei hum vuna ba na.

Ezekiyel 3:27

Fata an dang zlad’id’a, an mba ni malang vunang ngeyo, ang dazi ala: Wana ni zla d’a ded’a hi Salad’a Ma didinid’a. Sama mi min huma, ar mi huma. Sama mi min hum mbuo na, ar mi hum mbuo mi, kayam azi nandjaf ma bei hum vuna ba na.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Ezekiyel 43:11

Le azi nga le zulona yam tcho mazi d’a led’a gagazi ni, ang tagazi mbaktum mba ngad’a yam yina hi gong mandina, ang vazi ad’ud’a yam gongîyo suma tetengâ ki huruzi ma krovona, yam vun agrek ma kala ki ma a buzuk ki woi abuna, yam nga mamba ki zla tat pet mi. Ang b’ir gata ki vun ma hed’a yam ahle ndazina kä irazi na, ang tagazizi djiviya, kayam azi laziya, a tit kazi mi.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni Zla d’a Djivi d’a Luc mi b’irita 20:13

Sala asine guguzlud’a mi dala: An le ni nana ge? An mba ni sun goron ma hurun vum heîna; dam azi mba lum zulom kla.

Gat ta a hat á mbàd’id’a 32:29

Ladjï azi ni suma ned’a ni, a mba wäd’u ahle ndazina, a mba djib’er yam ahle suma a mba mba kazina.

Gat ta a hat á mbàd’id’a 5:29

Djiviya! Ladjï huruzi nga ni tinda kan hina teteu á ringîn mandaran á ngom gat manda mi ni, azi ki grozina a mba ka’î ki djivid’a teteu.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.