Ezekiyel 11:3 - Bible azumeina

³ A nga dala: Nga ni yima min gongîyona d’uo tua, azì ma ngol ma wana ni deina, ei teid’a ni hliu ma kurâ.

Ezekiyel 11:3 Iomraidhean Croise

2 Amuleina 4:38

Elise mi hulong, mi mba avo Gilgal. Kur biza ndata baktarad’a ti nde yam ambas ndata. Kid’a mi tok adesâ hi suma djok vun Alonina avorom kä d’a, mi de mazong mama ala: Ang tin dei ma ngolâ akua, ang yamï azlema madesâ hi suma djok vunina.

Isai 5:19

Sum ndazina a nga dala: Ar Ma didina mi le sun mamba atogo kayam ei wad’u, ar Ma tin tam irat vat yei Israel-lîna mi mbeï ki nga hur máma, mi ndagam vunam kayam ei weiziya.

Ezekiyel 12:22

Ang gor sana, ni kayam me ba, agi nga dugud’ogi zla d’a de d’a d’ogol la wanda yam andaga d’a Israel-la ala: Yina mi kal ngola, wani vama nde tam mbei ir sanina mi le nga d’uo ge?

Ezekiyel 12:27

Ang gor sana, ang hum zla d’a Israel-lâ a nga data. A nga dala: Ang Ezekiyel, ang nga de zlad’a ni yam vama nde tam ir sana ma sä avok tua na, ang nga djok vuna ni yam vama sä avok deina mi.

Ezekiyel 7:7

Agi suma nga kaka kur ambas sa wandina, b’lak magid’a ti mba wa kagiya, yina mi mba wa, burâ mi mba wa go. Ni bur ma ndaka. A mba hle sawal la furîd’a yam ahuniyôna d’uo d’a.

Amos 6:5

Agi nga hlagi sawal la hawa yaka kadingâ, agi nga minigi ahle suma bud’a yam tagi d’igi David na.

Mise 3:3

Agi nga tagi hliwa sum mana, agi nga hôgizi babagizi woyo, agi nga kuzugizi asogozi woyo, agi nga tchalagizi woi d’igi hliu ma a tinim aku kur deinina na.

2 Pierre 3:4

Azi mba dala: Mi hle vunam ala mam mba mba d’uo zu? Mi nga ni lara ge? Kayam kad’u tinda hi simiyeî suma a bona ei deid’a, ahlena pet a nga nata yazi d’igi a lazï adjeu dei na.