Ezekiyel 11:21 - Bible azumeina

²¹ Wani suma huruzi ve sun mazi d’a tchod’a ki sun mazi d’a ndjendje d’a lara ge petna, an mba ni hulongôzi sun mazi d’a tcho ndata kaziya. An Salad’a Ma didina ni de na.

Ezekiyel 11:21 Iomraidhean Croise

Jeremi 1:16

An mba ni kazi sariyad’a kazi yam asa’at mazid’a, kayam a aran ndei a ngal dubang ma his djivid’ina malo ma dingâ, a grif kä avok sun nda azi lat kabozid’a.

Jeremi 16:11

Ata yi máma ang dazi ala: Ma didina mi dala: Abuyogi ngolo a aran ndeyo, a zlap kalo ma dingâ, a lum sunda, a grif kä avorom á kud’uromu. A aran an ndeyo, a ngom nga gat manda d’uo mi.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Ezekiyel 11:18

Fata agi hulongôgi kuruta, agi mba yogi sun nda tchod’a ki sun nda ndjendje d’a lara ge pet tei kurud’u.

Ezekiyel 14:3

Ang gor sana, sum ndazina a tin huruzi ni yam filei mazi ma nga mi zud’uzi á le tchod’ina. An mba ni arazi á djobon zlad’a zu?

Ezekiyel 16:43

Ndak djib’er nga yam yima ndak ki gogoro’â d’i, ndak zalan hurun kahlena pet. Ni kayam ndata ba, an mba ni hulongôk tit mak ka tcho ndata kak mi. An Salad’a Ma didina ni de na. Na ni ndak le nga sun nda tcho d’a zulona yam ndjendje maka d’uo zu?

Ezekiyel 20:16

Kayam azi gol vun man ma hed’a is, a tit nga yam gat manda d’i, kayam azi mbut bur man ma sabatna ndjendjed’a, kayam huruzi mi nga tinda yam filei mazina tua.

Ezekiyel 20:31

Ki tchetchemba, agi nga mbud’ugi tagi ndjendjed’a, agi nga hagi grogina vama ngat buzuna mi fileina. Agi Israel-lâ, agi djib’eregi ala ata sun ndata hina ba, an mba ni aragi agi djobon yam va zu? Hawa yak! An Salad’a Ma didin ma bei matna nga ni dagiya, an mba ni aragi agi djobon yan va d’i.

Ezekiyel 20:38

An mba ni wal suma a tchol huneîd’a ki suma bei hum vuna woi avoron ki sed’egiya, an mba ni buzuguzï woi kur ambas sa azi nga kaka kuad’a, wani azi mba kal kur ambas sa Israel-la d’i. Hina wani agi mba wagi ala an ni Ma didina.

Ezekiyel 22:31

Kayam ndata, an mba ni zal hurun kaziya, an mba ni dabazi woi kayî man ma aku ma bibiliuna, an mba ni hulongôzi sun mazid’a kaziya. Ni an Salad’a Ma didina ba, ni de na.

Ezekiyel 7:3

Ki tchetchemba, dabid’a mba wa kagiya. An mba ni mba atagi kayî mana, an mba ni kagi sariyad’a kagi yam tit magid’a, an mba ni wuragagi yam sun magi d’a ndjendjed’a mi.

Ezekiyel 7:4

An mba ni tin iran kagi bei ni wagi hohowogiya, an mba ni ngobogi bei ni wagi hohowogiya, an mba ni wuragagi yam tit magid’a ki sun magi d’a ndjendje d’a agi sogi tagi kurut á led’id’a. Hina wani, agi mba wagi ala an ni Ma didina.

Ezekiyel 7:8

Wani ki tchetchemba, an nga ni mba kayî mana atogo zak, gak ni ndak vun ayî mana á ngobogiya. An mba ni kagi sariyad’a kagi yam tit magid’a, an mba ni wuragagi yam sun magi d’a ndjendje d’a lara ge pet mi.

Ezekiyel 9:10

An mi, an mba ni we sa hohowom mbi, an mba ni djib’er yam sa d’uo mi, wani an mba ni hulongôzi tcho mazid’a kaziya.

Hebre-na 10:38

Sa man ma d’ingêrâ mba mi kak karid’a ni yam he gagazid’a. Wani le mi hulong bugolo ni, tan mba d’i lan djivid’a kam mbi.

Jude 1:19

Azi ni suma wal suma, azi ni suma a le minda hi hliu tad’ina, a nga ki Muzu’â hAlonina d’uo mi.