Ezekiyel 10:3 - Bible azumeina

³ Ata yima sa máma mi mbaza kuana, tcherebêna a nga tchola ata gonga abot ma ndjufâ, d’ugula ti oî atrang nga krovod’a hurut mi.

Ezekiyel 10:3 Iomraidhean Croise

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

Buzuk ka Abud’a 25:18

Agi lagi angus tcherebê ma lora mbà akulo yam zandu’â vunam ma duka ata vunam ma dabi ma mbàna. Agi lagizi ni ki lor ra bed’et teid’a.

Ezekiyel 43:4

Subura hAlonid’a b’o mata ti kal kur vun agrek ma abo ma yorogonina, ti kal kur gong mam mba kud’ora mi.

Ezekiyel 46:1

Salad’a Ma didina mi dala: Vun agre’â hatrang nga krovod’a ma abo ma yorogonina mba mi arî duka kur bur ma le sunda gak burâ karagaya, wani a mba malam mbei ni kur bur ma sabatna d’oze kur bur ma tilâ mi deî awilina mbeî.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Ezekiyel 9:3

Subura hAlona hi Israel-lîd’a ti ndei woi akulo yam tcherebêna ata yima ndat nga kuana, ti i irat avun yima kala hi gong nga kud’ora hAlonid’ina. Alona mi yï sama mi tchuk baru d’a hap pa luluîd’a atam ma mi djin ahle suma a b’ir ki sed’ezina yam d’ik mamina gevemu.