Ezekiyel 10:2 - Bible azumeina

² Ma didina mi de mi sama mi nga ki baru d’a hap pa luluîd’a atama ala: Ang i aduk abo pus ma nga kä ad’u tcherebênina, ang i yo gordjo ma nga kä ad’u tcherebênina, ang oî abong zla tam djak, ang i yagam akulo yam azì ma ngol máma. Mi ge tam mi i kua kä iran na wat.

Ezekiyel 10:2 Iomraidhean Croise

2 Amuleina 25:9

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Sawal la giled’a 140:10

Ar suma a nguyuna zla d’a tchod’a ndavunazid’a, ti hulong kaziya.

Sawal la giled’a 18:10

Mi hud’ï akulod’a kä, mi tchuk asem kä kad’u; d’ugul la wurad’a nga ad’um kä.

Buzuk ka Abud’a 25:18

Agi lagi angus tcherebê ma lora mbà akulo yam zandu’â vunam ma duka ata vunam ma dabi ma mbàna. Agi lagizi ni ki lor ra bed’et teid’a.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Ezekiyel 1:13

Aduk ahle suma ari ndazina vana nga mi ngal d’igi aku d’a gordjona na, nga d’i trâ d’igi sina akud’a na. Nga d’i ngui aduk ahle suma ari ndazina, nga d’i yak kei ki wiled’a, wiled’a ti ndeï woi aduk akud’a.

Ezekiyel 10:16

Ata yima tcherebêna a nga gigingâzi á pir akulo woi yam andagad’ina, abo pusâ nga mi pret tam mbei yima ding nguo mi.

Ezekiyel 9:11

Ata yi máma sama mi tchuk baru d’a hap pa luluîd’a atam ma mi nga ki vama b’ir ahlena yam dik mamina, mi hulong ki zla d’a ded’a ala: An le wa vama ang han vuna kama da’.

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,

Vama ndum mbeina 8:5

Malaikana mi hle angala, mi oyôt kaku d’a nga ata yima ngal dubang ma his djivid’ina, mi gat yam andagad’a. Ata yi máma na wat, alona mi wile, mi breyâ, dela ti de zlad’a mi. Ata yi máma, andagad’a ti nde yira.