Ezekiyel 10:10 - Bible azumeina

¹⁰ Azi ki zla tazi d’a fid’id’a pet a nabo tazi tu. Abo pus ma lara pî mi ni kala kur tam kakal.

Ezekiyel 10:10 Iomraidhean Croise

1 Amuleina 7:30

Pus ma lara pî mi nga kasem ma kawei ma hleuna fifid’i. Kawei máma nga ata abom ma fifid’i mama ná vum akulo. Kawei máma vunam nga djinda kabo pusâ ad’u kä bugol ahle suma ndjundjû ndazina.

Sawal la giled’a 104:24

Ma didina, sun mang nga ang lata ti zul heî; ang lat pet ni ki ned’a, andagad’a ti oî kahle suma ang lazina.

Sawal la giled’a 36:6

Ma didina, o mang nga didinda ti i akulo gak tcha hur alona, d’engzeng manga ti i akulo gak yam d’ugula.

Sawal la giled’a 97:2

Nduvunda ki d’ugula a nguyumu, d’ingêra ki sariya d’a ka d’a d’ingêra nad’u ged’a hi leu mam mba ted’id’a.

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Ezekiyel 1:16

Abo pus máma a lum mi wile ni d’igi ahina krisolita na, ki zla tamba fid’id’a a lum nabo tam tu. Abo pus máma, ma lara pî a lumî kala kur tam kakal.

Ezekiyel 10:11

Ata yima a nga ina, irazi ni ngad’a yam abo mazi ma fid’ina, a nga pret tazi d’i. Wani a i ni irazi abo ma avorozina d’ingêr bei pret tazi ba.

Ezekiyel 10:9

An nga ni gol yina. Gol wani, abo pusâ fid’i mi nga go ki tcherebêna, abo pusâ tutu yam tcherebêna gagang, abo pus máma mi wile ni d’igi ahina krisolita na.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?