Ezekiyel 10:1 - Bible azumeina

¹ An gol yina akulo hur alona yam tcherebêna. Vana nga kua d’igi ahina safira na, mi hle tam d’igi zlam mba amula na.

Ezekiyel 10:1 Iomraidhean Croise

Ad’u Tinda 18:17

Ma didina mi de kurum ala: An ndak á ngei Abraham vama an luma zu?

Ad’u Tinda 18:2

Ata yi máma na wat, mi we suma hindi a nga tchola go ki sed’emu, mi tcholï ringâ avun zlub’u mamba atogo zak, mi ngavaziya, mi grif kä andaga avoroziya,

Ad’u Tinda 18:22

Suma mbàna a tchuk tazi á i Sodom; Abraham mi nga tchola avok Ma didina tua.

Ad’u Tinda 18:31

Abraham mi hulong dum ala: Salana, an ve tan ad’enga á dang zlad’a; le ang fe suma d’ingêrâ dok mbà mi na? Ma didina mi hulong dum ala: Yam suma dok mbàna, an mba ni b’lagam mbi.

Ad’u Tinda 3:24

Kid’a mi digim mbei dad’a, mi tin tcherebêna abo ma yorogona hasine ma Eden-na ki mbigeu d’a fiyak ka siyat ngal d’igi sïna akud’a na d’a á ngom lovot ta i ata agu ma he arid’ina.

Ad’u Tinda 32:24

Jakob mi ar vam tu, sana tu mi ndjiget ki sed’em gak yina nga ad’um fod’a.

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

Sawal la giled’a 18:10

Mi hud’ï akulod’a kä, mi tchuk asem kä kad’u; d’ugul la wurad’a nga ad’um kä.

Buzuk ka Abud’a 24:10

Azi wAlona hi Israel-lîna. Vana nga ad’u asem kä bebed’ed’a hle tam d’igi ahina safir ra botlozid’a na d’igi akulod’a tata na mi.

Jeremi 13:6

Bugol la burâ mi kal ngolid’a, Ma didina mi dan ala: Ang hulong avun alum ma Efrat-na, ang i yoï d’ik ma an hang vuna kam ala ang ngeyem kä na.

Jeremi 13:8

Wana ni zla d’a Ma didina mi dandjid’a.

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Ezekiyel 10:20

Azi nahle suma ari suma an wazi kä ad’u Alona hi Israel-lâ avun alum ma Kebar-rîna. An wazi ala azi ni tcherebêna.

Ezekiyel 11:22

Tcherebêna a nga gigingâzi woi á pira, abo pusâ mi i ki sed’ezi mi. Subura hAlona hi Israel-lîd’a ti nga akulo kazi mi.

Ezekiyel 9:11

Ata yi máma sama mi tchuk baru d’a hap pa luluîd’a atam ma mi nga ki vama b’ir ahlena yam dik mamina, mi hulong ki zla d’a ded’a ala: An le wa vama ang han vuna kama da’.

Habakuk 2:1

An mba ni djak akulo yam gong nga fiyaka ked’iwurenga á ndjola, an mba mi tchol akulo kua á we vama Ma didina mba mi dandjina, á djup zla d’a mam mba mi hulongôndji yam yor ta mandid’a.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Efes-sâ 1:20

mba mi ndat tei yam Christ kid’a mi tcholom akulo aduk suma matna karid’a mi tinim á kak ata bigam mba ndjufa ata yima sä akulonid’a.

Josue 6:2

Ma didina mi de mi Josue ala: Gola! An hang wa azì ma ngol ma Jeriko-na kamul mama ki mam suma a we durîna abongû.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

Vama ndum mbeina 1:13

Vana nga tchola aduk agu máma, mi hle tamî d’igi sana na. Mi tchuk baru d’a fiyaka atam gak ti tchuk kä asemu, mi djin d’ik ma lora kurumu.