Ezekiyel 1:8 - Bible azumeina

⁸ A nga kabona hi sana ad’u gigingâzi iram mbuta ata kengêzi ma fid’ina gagang. Nge nge pî mi nga ki ira fifid’i, gigingâ fifid’i mi.

Ezekiyel 1:8 Iomraidhean Croise

Isai 6:6

Ma dingâ tu aduk serafêna mi pirî gevenu. Mi nga ki gordjo ma mi mbogomî yam yima ngal dubang ma his djivid’a ki madeunina nga abomu.

Ezekiyel 1:17

Ahle suma fid’i ndazina, ata yima a ina, a i nata abo ma fid’ina gagang bei pret tazi ba.

Ezekiyel 10:11

Ata yima a nga ina, irazi ni ngad’a yam abo mazi ma fid’ina, a nga pret tazi d’i. Wani a i ni irazi abo ma avorozina d’ingêr bei pret tazi ba.

Ezekiyel 10:18

Subura hi Ma didinid’a ti ndeï woi avun yima kala hi gong nga kud’orina, ti i d’i kak yam tcherebêna.

Ezekiyel 10:2

Ma didina mi de mi sama mi nga ki baru d’a hap pa luluîd’a atama ala: Ang i aduk abo pus ma nga kä ad’u tcherebênina, ang i yo gordjo ma nga kä ad’u tcherebênina, ang oî abong zla tam djak, ang i yagam akulo yam azì ma ngol máma. Mi ge tam mi i kua kä iran na wat.

Ezekiyel 10:21

Ma lara pî, iramî fifid’i, ma lara pî, gigingâmî fifid’i mi. Vana nga ad’u gigingâzi kä d’igi abo sana na.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.