Ezekiyel 1:4 - Bible azumeina

⁴ Ata yi máma an gola, an we babar ma ngol ma bibi’â mi tcholï abo ma norâ ki d’ugul la ngola zlapa kakud’a, nga d’i wile ti ngui yina woi gevet d’uhl. Vana nga mi wile adigat d’igi kawei ma hleu ma a hegema na, mi nde woi aduk aku ndata.

Ezekiyel 1:4 Iomraidhean Croise

1 Amuleina 19:11

Ata yi máma Ma didina mi dum ala: Ang nde woyo, ang tchol akulo yam ahinad’a avoronu. An nga ni kala. Ata yi máma na wat, simat ma ngolâ mi mba sira bibik, ahinad’a wak kei sisirak avok Ma didina, wani Ma didina tamba nga aduk simet máma d’i. Bugol simetna, andagad’a yir gigidji, wani Ma didina mi nga aduk yir ndata d’uo mi.

2 Amuleina 2:11

Kid’a azi nga kur tita a nga yo seretnid’a, gol wani, pus ma akud’a kakulumei suma akud’a a mba a walazi adigaziya. Va máma mi hle tam d’igi pusâ na, akulumeina a nga tanamu. Ata yi máma na wat, a hle Elie sä akulo aduk mbirlimba.

2 Sunda Hamuleinid’a 5:13

Suma bu aduveina ki suma hle sawala, a tok tu á gile Ma didina, a subur Ma didina kaduveina ki tchigiyeud’a kahle suma bu suma dingâ teteng. A nga gile Ma didina kayam mam mi sama djivina, kayam o mamba nga d’i dap pi. Ata yi máma d’ugula ti oî hur gonga, gong nga kud’ora hi Ma didinid’a.

Wana ni mbaktumba hi Job-pa 38:1

Ma didina mi hulong zla d’a ded’a mi Job aduk babar ma ngolâ ala:

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

Buzuk ka Abud’a 9:24

Mogoina kakud’a gizeîd’a a se yam ambas sa Ezipte-d’a pet. Mi se ngola heî. Käd’u tinda hi Ezipte-d’a dei, mi se nga hina yam tu d’i.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 21:1

Wana ni zla d’a a dat yam hur ful ma avun alum ma ngolîd’a: D’igi mbirlimba ti kal abo ma sutna na, ma djangûna mi tcholï yam ambas sa ti mbut suma mandarîd’a, nga mi djï hur fulâ.

Jeremi 23:19

Jeremi mi dala: Gola! Babar ma ngolâ nga mi djïya. Nayî ma bibiliuna hi Ma didinina, mi nga mi sir yam suma asa’atna.

Jeremi 25:32

Ma didin ma ad’engêm kal petna mi de kua ala: Ndaka nga d’i mba yam andjafâ tutu pet, babar ma ngolâ mi tcholï avun dabid’a handagad’id’a.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 4:6

Agi pagi drapo d’a taka akulo avo Siyon, agi ringîgiya, agi tchologi aduk ki, kayam Ma didina nga mi mba ki ndaka abo ma norâ, ki b’lak ka ngola mi.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Ezekiyel 1:27

An we vama dingâ kua d’igi kawei ma hleu ma a hegem mbeina na. Nga mi ngal wiwilik, hle tam d’igi aku d’a nga d’i b’o yina woi gevet peta na. Tinï ad’ud’a kä ata ata vama he tam d’igi fur sana na na dei gak i kam akulo, tinï ad’ud’a ata furum dei gak i kä andaga, an we vama hle tam d’igi akud’a na b’o nguyum mbei d’uhl mi.

Ezekiyel 13:11

Ang de mi suma a nga gulud’um ki lasod’ina ala: Alo ma se ma tchona mba mi mba, mogoi ma nglona mba mi yak kä, babar ma ngolâ mba mi mba. Gulumun máma mba mi to kä woyo.

Ezekiyel 13:13

Ni kayam ndata ba, an Salad’a Ma didina ni dala: Kur hur man ma zala, an mba ni mba ki babar ma ngolâ. Kur ayî mana, an mba ni mba kalo ma se ma tchona. Mogoi ma nglona mba mi yak kä kad’enga, mba mi b’lak ahlena woi pet.

Ezekiyel 43:3

Vama mi nde tam mbei iran máma mi ni d’igi vama mi nde tam mbei iran adjeu ata yima Alona mi mba á b’lak Jerusalem-ma na, mi ni d’igi vama mi nde tam mbei kid’a an nga avun alum ma Kebar-rîd’a na mi. An grif kä avoromu.

Ezekiyel 8:2

An nga ni gol yina. Gol wani, vana hle tam d’igi sana na mi nga tchola. Tcholï akulo ata furum dei gak i kä asem nakud’a, tchol ata furum dei gak i akulo kam vana nga mi wile d’igi kawei ma hleu ma a hegem mbeina na mi.

Zakari 6:6

Akulumei suma wurogeina a hle pus ma dingâ, a i irazi yam ambas sa abo ma norîd’a. Akulumei suma hobiyona a i blogoziya, akulumei suma mord’eina a i irazi yam ambas sa abo ma sutnid’a mi.

Hebre-na 12:29

kayam Alo meina naku d’a nga d’i ngal ahlena woid’a.

Vama ndum mbeina 1:15

Asem wile d’igi kawei ma hleu ma a gum aduk aku d’a tchafina na. Delem mba ded’a ti tchi d’igi mbiyo ma avun vorina na.