Ezekiyel 1:10 - Bible azumeina

¹⁰ Azi ki zla tazi d’a fid’id’a pet a nga ki ira hi sanid’a, azi ki zla tazi d’a fid’id’a pet a nga ki ira hazlonid’a abo ma ndjufâ, azi ki zla tazi d’a fid’id’a pet a nga ki ira hamuhlîd’a abo ma gulana, azi ki zla tazi d’a fid’id’a pet a nga ki ira hi b’arunid’a mi.

Ezekiyel 1:10 Iomraidhean Croise

1 Sunda Hamuleinid’a 12:8

Suma aduk andjafâ hi Gad suma a wal ki Saul á i ad’u David kur yima ad’eng ma abagei hur fulîna, azi ni grang suma a we durîna, ni suma a dur ki mbareid’a kasapina. A hle tazi ni d’igi azlona na, a ring afefeta ni d’igi duguyo suma yam ahuniyônina na mi.

Wana ni mbaktumba hi Job-pa 39:27

Nga mi djulul kayîna, nga mi tau yina kurum tatau, nga mi ve tam hina kei ata yima adifa ti tchina d’i.

Zla d’a d’ogolâ 14:4

Le amuzleina nga d’uo ni, a nga fawu ma tchuk avir ri. Ni yam ad’enga hamuhlîd’a ba, a fawuna ngola.

Isai 40:31

Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

Isai 46:8

Ma didina mi de kua ala: Agi djib’eregi yam ahle ndazina, agi kagagi andjofâ. Agi suma so vuna, agi vagi zla ndata kurugiya.

Ezekiyel 1:6

Nge nge pî adigazi mi nga ki ira fifid’i, gigingâ fifid’i mi.

Ezekiyel 10:14

Tcherebê ma lara pî iramî fifid’i. Ma avo’â iram hle tat ni d’igi ir tcherebêna na, ma mbàna iram hle tat ni d’igi ir sana na, ma hindina iram hle tat ni d’igi ir azlona na, ma fid’ina iram hle tat ni d’igi ir b’aruna na mi.

Ezekiyel 41:19

Iram mba d’igi hi sana na d’a, nga d’i gol amilaûna abo hî, iram mba d’igi azlona na d’a, nga d’i gol amilaû ma abo hî na mi. A ndjar ahle ndazina akulo ata gulumuna hina pet.

Daniel 7:4

Ma avo’â mi hle tam d’igi azlona na, wani mi nga ki gigingâ d’igi ma hi b’arunina na. Kid’a an nga ni golom tua d’a, a pad’am gigingâm mbeyo, a hlum akulo woi yam andagad’a, a tcholom akulo kasem d’igi sana na, a hum djib’era hi sanid’id’a mi.

Ndumba 2:10

Ades ma dur ayî ma zlap kades ma dur ayîna hi Ruben-nina mi ve kang mama abo ma sutna hi zlub’ud’ina. Ma ngol ma avok andjafâ hi Ruben-nina ni Elisur Sedewur goroma.

Ndumba 2:18

Ades ma dur ayî ma zlap kades ma dur ayîna hi Efraim-mina, mi ve kang mama abo ma fladegena hi zlub’ud’ina. Ma ngol ma avok andjafâ hi Efraim-mina ni Elisama Amihut goroma.

Ndumba 2:25

Ades ma dur ayî ma zlap kades ma dur ayîna hi Dan-nina, mi ve kang mama abo ma norâ hi zlub’ud’ina. Ma ngol ma avok andjafâ hi Dan-nina ni Ahiyezer Amisadai goroma.

Ndumba 2:3

Ades ma dur ayî ma zlap kades ma dur ayîna hi Juda-nina, mi ve kang mama abo ma yorogona hi zlub’ud’ina. Ma ngol ma avok andjafâ hi Juda-nina ni Nason Aminadap goroma.

Wana ni Zla d’a Djivi d’a Luc mi b’irita 15:10

Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.

Vama ndum mbeina 4:7

Ma ari ma avo’â mi hle tamî d’igi azlona na, ma mbàna mi hle tamî d’igi gor amuhlâ na, ma hindina iram mbi hle tat ni d’igi ir sana na, ma fid’ina mi hle tamî d’igi agigilau ma nga mi pirâ na mi.

Vama ndum mbeina 5:5

Ma dingâ tu aduk suma nglona mi dan ala: Ang tchi d’i, ang gola! Azlo ma ad’u andjafâ hi Juda-nina, ni ma ad’u andjafâ hamulâ David-na mi, mi kus ayîna. Kayam ndata, mi ndak á hô dubang ma kid’iziyana woi á mal mbaktum ndata woi mi.

Suma ka sariyad’a 14:18

Kur bur ma kid’iziyana, kid’a afata bei nikid’a, suma hur azina a de mi Samson ala: Vama kal ayuma kadjib’etina ni me ge? Vama kal azlona kad’engina ni me ge? Mi dazi kua ala: Ladjï agi zumugi kamuhl man nda weid’a d’uo ni, agi ndak á van ad’u zla d’a d’ogol ndata woi d’i.