Ester 9:28 - Bible azumeina

²⁸ A nga ngom bur ma vun til máma, kur atchogoi d’a lara ge pet, kur azina hi sama lara ge, kur azì ma ngol ma lara ge pet mi. Bur ma Purim-ma ni burâ hi Juif-fâ ma bei ara ba na, mi arî vama ge humba kazi kandjavazi gak didin.

Ester 9:28 Iomraidhean Croise

Ester 9:27

Juif-fâ a tin vun til ma bei ara ba na kaziya, yam andjavaziya, yam suma a zlap ki sed’ezina, á ngom bur ma mbà ma hi vun til mámina bizad’a ki bizad’a, ata bur ma a ngama d’igi Mardose mi b’irizizi kur mbaktumba na.

Ester 9:29

Amula Ester Abisayil goromba ki Mardose ma Juif-fâ a b’ir mbaktum mba yazi á mbàd’a ki vun mazi ma hed’a yam mbaktum mba a b’irit yam bur ma Purim-mid’a tala ti ka’î zla d’a irata d’a.

Sawal la giled’a 103:2

An min gile ni Ma didina, an nga ni mar yam djivi mam mba led’a tu d’i.

Sawal la giled’a 145:4

Ar suma kur atchogoi d’a lara ge petna a suburung sun manga, ar a de woi yam sun nda ad’eng nga ang lata.

Buzuk ka Abud’a 12:17

Agi mba ngomogi vun til ma a lum kavungô ma bei angufina, kayam ni kur bur máma tamba ba, an mba ni buzugugi ades magina woi kur ambas sa Ezipte-d’a. Agi ngomogi bur máma d’igi gat ta didinda na yam andjavagi kur atchogoi d’a lara ge pet.

Zakari 6:14

Avavala ti arî vama ge humba kur gong man nda kud’ora yam Heldai, Tobiya ki Jedaya kandjaf ma danana hi Sofoni-na mi.

Josue 4:7

Ata yi máma agi hulong dazi ala: Nahuniyô suma ami yozi kur bur ma alum ma Jurdê-na mi wal lei aduk mbà ata yima zandu’â hi Ma didina nga mi djagam mbeina. Ahuniyô ndazina a arî vama ge humba mi Israel-lâ gak didin.