Esdras 9:6 - Bible azumeina

⁶ an tchenem ala: Alo mana, an nga kur tcha d’a tatad’a, an nga ki zulona á hle iran akulo á golongû, kayam tcho mamid’a ti kal ngola, ti kal akulo kamiya; tchila mamid’a ti i gak do hur alona.

Esdras 9:6 Iomraidhean Croise

Ad’u Tinda 13:13

Wani suma Sodom-ma ni suma murud’umba ngola heîna, ni suma le tchod’a avok Ma didina ngola heîna mi.

1 Amuleina 8:47

le azi djib’er wa kuruzi yam andaga d’a a izi magomba kuad’a, le a tcheneng wa ala: Ami tchilami yam zla manga, ami lami tchod’a, ami lami ni sun nda ata yat tuo d’a,

2 Sunda Hamuleinid’a 28:9

Ma djok vuna hi Ma didinina mi nga avo Samari, a yum ala Odet. Mi nde mi d’ugol azigar suma a nga mbei avo Samari-na, mi dazi ala: Gola! Ma didina Alona habuyogi ngolona, hurum zal yam suma Juda-na, mi hagizi abogiya, wani agi tchagizi ki hur ma zala gak mi i akulo hur alona.

Esdras 9:13

Ang Alo mamina, ndak ndata ti mba kami hina pet ni yam sun nda tcho d’a ami lata ki tchila mami d’a ngol la kal teglesa. Hina pet pî, ang ngobomi nga ngad’a yam tcho mami ndata d’i, wani ang ar suma a arâ adigami ami suma kä wana tcha.

Esdras 9:15

Ang Ma didina Alona hi Israel-lîna, angî Ma d’ingêrâ, kayam ang ar suma a arâ adigami ini tcha. Gola! Ami nga avorong ka hî ki tcho mamid’a, ami ndak á tchol avorong ki tcho ndata d’i.

Nehemi 1:6

Ar ang mbud’ï irang kanu, ang tin humang hum tchen nda an azong mangâ nga ni tchenenga. An nga ni tcheneng ki tchetchemba andjege ki falei yam azungeî mang suma Israel-lâ, an nga ni dang woi yam tchod’a hi ami Israel-lîd’a. An kabuyon ngolo, ami lami tchod’a avorong mi.

Wana ni mbaktumba hi Job-pa 40:4

Ang nga kad’enga d’igi an Alona na zu? Deleng nga breîd’a ni d’igi manda na mi zu?

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Sawal la giled’a 38:4

Tan ndi galeî woi abo ayî mangâ, asogon nga mi tan abo tcho manda.

Sawal la giled’a 38:5

Kayam tcho manda tok kan ngola heî. D’igi aneka kal yam sana na, nga d’i tchan aneka heî.

Buzuk ka Abud’a 32:31

Moise mi hulong gen Ma didina, mi dum ala: Hiye! Sum ndazina a le wa tcho d’a ngola, a yora wa alo ma lora yam taziya.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Isai 59:12

Kayam tchila mamid’a ti zul avorongû, tcho mamid’a nga d’i le glangâsâ kamiya, tcho mamid’a ti nga b’ala kamiya, ami wami tchila mamid’a.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 31:19

Gagazi, ata yima ami hang huyogomina, ami mbud’umi hurumiya. Ang tagami tcho mamid’a. Ki tchetchemba, ami nga tchami abomi kurumiya, ami mbud’umi zulona, ami tchugumi susub’ok yam tcho d’a ami lat kazungeî tamid’a.

Jeremi 51:9

Adjeu ami min á tchilimi Babilon, wani ndat tchil nga d’i. Ki tchetchemba, ei arat teyo, nge nge pî mi i yam ambas mamba, kayam sariya d’a a kattchi kata ti i akulo hur alona, gak ti doï d’ugula.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Hor ma tchina 3:42

Ami lami tchod’a, ami song vunangû, wani ang vat nga hurung ngei kami d’i.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Sunda hi suma hi Levi-nid’a 26:40

Ma didina mi de kua ala: Bugol ahle ndazina, azi mba de woi yam tcho mazid’a ki d’a habuyozi ngolod’a ki tchila mazi d’a azi tchilat avoronda ki so vun mazi ma azi son vunana,

Wana ni Zla d’a Djivi d’a Luc mi b’irita 15:21

Goroma mi dum ala: Abunu, an le tchod’a avok Alona, avogong ang mi, an ndak nga d’ala ang yan gorongâ d’a d’i.

Wana ni Zla d’a Djivi d’a Luc mi b’irita 18:13

Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Romê-na 6:21

Adjeu agi fagi ni me ata yima agi nga lagi sunda, agi nga lagi zulona kat ki tchetchembid’a ge? Kayam dabid’a hi sun ndatid’a ni matna.

Vama ndum mbeina 18:5

Kayam tcho mata ti mol gak ti i akulo, Alona mi djib’er yam sun mat ta tchod’a.