Esdras 7:10 - Bible azumeina

¹⁰ Kayam Esdras mi he tam á wäd’u zlad’a hAlonid’a, á tit yam gata hAlonid’a, á hat Israel-lâ yam gata hAlonid’a ki vun ma he ma tetengâ mi.

Esdras 7:10 Iomraidhean Croise

1 Sunda Hamuleinid’a 29:18

Ma didina Alona habuyomi ngolo Abraham, Isak ki Jakob-ma, ang ar djib’er ndata ti kak kur sum mangâ burâ ki burâ, ang ar ti kak hina ngingring kang ang mi.

2 Sunda Hamuleinid’a 12:14

Robowam mi le tchod’a, kayam mi tin nga hurum á le minda hi Ma didinid’a d’i.

2 Sunda Hamuleinid’a 19:3

Wani mi fahle suma djivina atangû, kayam ang pleî agu ma murguli ma a pum malo d’a a yat ala Asera-d’a woi kur ambas manga. Ang tin hurung á halam mi.

2 Sunda Hamuleinid’a 30:22

Ezekiyas mi had’enga mi suma hi Levi suma a nga ki wad’ud’a yam sunda hi Ma didinid’ina. A mut ahle suma a tchazi á vun tilîna gak burâ kid’iziya, a hahle suma ngat buzu suma zlap darigïd’a, a gile Ma didina Alona habuyozi ngolona mi.

Esdras 7:11

Wana ni mbaktum mba amulâ Artazerses mi hat mi Esdras ma ngat buzu ma we gatina, ni ma nga mi hat vun ma he ma Alona mi hum mi Israel-lîna:

Esdras 7:25

Ang Esdras, ata ned’a Alona mi hangzid’a, ang tin suma ka sariyad’a ki suma nglona á ka sariyad’a hi suma pet suma sä abo alum ma Efrat-na woi hina ki suma a we gata hAlo mangîd’ina, ang tagat mi suma a wat nga d’uo na mi.

Esdras 7:6

Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Wana ni mbaktumba hi Job-pa 11:13

Wani le ang min hurung woi djivid’a tetet, le ang mat abong mAlona,

Sawal la giled’a 10:17

Ma didina, ang nga hum zla d’a suma lulumana huruzi minita, ang nga hazi ad’enga, ang nga tin humang

Sawal la giled’a 119:112

An tin hurun á le sunda yam gat manga, kayam ndat ni wurak man nda gak didinda.

Sawal la giled’a 119:45

An mba ni tit ki halasa, kayam an nga ni hal ad’u gat manga.

Sawal la giled’a 19:7

Ti ndeï avun dabid’a hakulod’id’a, gak ti i avun dabi d’a abo hî d’a; vama mi ngei tam abo huwak matina nga d’uo mi.

Sawal la giled’a 57:7

Azi gun dauna kä avoronu, tan tchuk susub’ok. Azi djugot zula kä avoronu, wani azi tazid’a a tchuk kua. Tchol ndjö

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Matiye 5:19

Kayam ndata, sama lara ge ma tchila yam vun ma he ma ngiyeû ma aduk ma wanina, nga mi hat ki suma dingâ mi ni, a mba mbud’um gogorâ kur leu d’a akulod’a. Wani sama ngom vun ma he máma, mi hat suma dingâ mi ni, a mba mbud’um ma ngolâ kur leu d’a akulod’a.

Matiye 7:24

Jesus mi had’azi kua ala: Kayam ndata, sama lara ma hum zla man nda an data ma le sunda katna, mi hle tamî d’igi sama ne ma mi min aziyam yam ahinad’ina na.

Jean 13:17

Le agi wagi ahle ndazina, le agi lagi sunda kazi mi ni, agi lagi furîd’a.

Sunda hi suma a sunuzinid’a 1:1

Teyofil, Kur mbaktum man nda avoka an dang ahlena pet suma Jesus mi tin ad’u á led’a, á hata

Gat ta a hat á mbàd’id’a 16:12

Ata yi máma agi djib’eregi ala adjeu agi ei ni magomba Ezipte, agi ngomogi gat ndata, agi tid’igi kat mi.

Gat ta a hat á mbàd’id’a 33:10

Ni azi ba, a nga hat vun mang ma hed’a mi suma hi Jakob-ma, a nga hat gat manga mi Israel-lâ, a nga he dubang ma his djivid’ina kahle suma ngat buzu suma ngala yam yi mang ma ngal ahle suma ngat buzuna mi.

1 Timote 3:2

Mbeî sama gol Toka ni ma bei zlad’a kama, ni mandjuf ma katchad’a tuna, ni sama iram si’â, ni sama ve tama, ni sama ned’a, ni sama lakoina, ni sama ndak á hat sumina.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

Wana ni mbaktum mba Paul mi b’irit mi Tit-ta 2:1

Wani ar ang dazi ni vama ndak yam hat ta d’ingêrina.

Wana ni mbaktum mba Paul mi b’irit mi Tit-ta 2:15

Ang had’azi ahle ndazina, ang gigid’ezi mi. Ang ngobozi ki vun ma hed’a. Ar sa mi golong is si.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.

1 Samuel 7:3

Samuel mi de mi Israel-lâ ala: Le agi hulongôgï gen Ma didina ni ki hurugi tu ni, agi aragi bei kud’or alo d’a a yat ala Astarte-d’a kalo ma dingâ pet teyo. Agi zlabagi ki Ma didina, agi kud’uromî mam tu go. Hina wani, mam mba mi sud’ugi woi abo Filistê-na.