Esdras 6:9 - Bible azumeina

⁹ Wana nahle suma ndak á he he d’a hawa d’a ngala mAlo ma akulona burâ ki burâ bei hela ba na, amuzlei suma azungeîna, gamlâna, gro tumiyôna, awuna, ndjuvuna, süm guguzlud’a ki mbulâ. Agi hagizi mi suma ngat buzu suma Jerusalem-ma d’igi azi min na,

Esdras 6:9 Iomraidhean Croise

1 Sunda Hamuleinid’a 9:29

Suma dingâ ni suma a tinizi á ngom ahle suma a le ki sunda ata yima a tinim iram vama kafut ta adiged’id’a, süm guguzlud’a, mbul olifâ, mbul ma his ma afufuîna ki mbul ma his djivid’a heîna mi.

Esdras 6:10

kayam azi hahle suma ngat buzu suma his suma afufuîna mAlo ma akulona tala azi tchen yam amulâ ki groma mi d’a.

Esdras 6:8

Wana ni vun ma he ma an hagizi yam ahle suma agi ndjunugi ki suma nglo suma Juif-fâ á min gong nga kud’ora hAlonid’ina: Agi yogi ni beged’a hamulîd’a, bege d’a tar ra agi vad’ï woi abo alum ma Efrat-na woi hid’a pî, agi hazizi á gus ahlena tala sun mazid’a ti d’el luo d’a.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Sunda hi suma hi Levi-nid’a 1:10

Le he d’a hawa mam mba ngala ni d’uwar ma gureina, nala, gor timina d’oze gor b’ëna ni, ar mi he ni mandjuf ma bei daka ba na.

Sunda hi suma hi Levi-nid’a 9:2

mi de mi Aron ala: Ang i veï amuhl ma gor ma bei dakina á hum vama ngat buzuna á zlup yam tchod’a ki gamlâ ma bei dakina á hum vama ngat buzu ma ngala, ang mbazï avok Ma didina.

Marik 9:49

Kayam suma pet a mba gozozi kakud’a d’igi a gos ndjuvuna na.