Esdras 4:15 - Bible azumeina

¹⁵ ar ang hal kur mbaktum mba ge humba habuyong ngolod’a, ang mba fe, ang mba we kur mbaktum mba ge humba ala sum ndazina ni suma yam mba ad’enga, ni suma huneîd’a, ni suma a kak djangûna kamuleina kazì ma dingâ teteng mi. Ni suma a tchol huneîd’a adjeu ki suma te yambina. Ni kayam ndata ba, a b’lagazi kaziyazi woi wana.

Esdras 4:15 Iomraidhean Croise

2 Amuleina 24:20

Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.

2 Amuleina 25:4

Azigar suma Babilon-na a tcho ir gulumuna hazì ma ngolîna. Suma Juda suma dur ayîna a ring pet, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

Esdras 4:12

Amulâ, ang we Juif suma a tcholï hatang a mba adigami ka hî avo Jerusalem-ma ki yam mazi d’a ad’enga kasa’at mazid’a, a nga min azì mazina akulo, a ge nga ad’u gulumuna kä, a nga minim akulo mi.

Esdras 4:14

Kayam ndata, ami suma djinimi vunami ki sed’engâ, ami minimi d’ala sum ndazina a golong is zu d’a d’i. Ni kayam ndata ba, ami b’iring ki mbaktumba wana,

Esdras 4:16

Ami nga vang ad’ud’a, le azi min wa azì máma ki gulumun mama akulo ni, ang mba fe yima te leud’a abo alum ma Efrat-na ka hî d’uo d’a.

Nehemi 2:19

Wani ata yima Sanbalat ma Horon-na ki ndram ma sunda Tobiya ma Amon-na ki Gesem ma Arap-ma a hum hina na, a nde lazamiya, a golomi is, a dami ala: Agi lagi ni me hina ge? Agi tchologi ni huneîd’a kamulâ zu?

Nehemi 6:6

A b’ir kua ala: Vuna mi wet wa woi aduk suma, Gasmu mi dami na mi ala ang ki Juif-fâ agi nga minigi tagi á tchol huneîd’a. Ni kayam ndata ba, ang hulong nga min gulumuna akulo. A nga dala ang nga hal á kak amul mazina.

Ester 2:23

A nde djop ad’u zla ndata, a fat ni hina dedege, a tchuk ziyona kel suma ngom vun azì suma mbà ndazina akulo ata aguna, a b’ir zla ndata kur mbaktum mba de zlad’a yam sunda hamuleinid’a kä avok amulâ.