Esdras 10:3 - Bible azumeina

³ Ei i djini vunei kAlo meina á dik arop ndazina ki grozina d’igi ang salana ki suma pet suma a nga le mandara gata hAlo meinid’ina a de na, ar ei lei d’igi gata ti de na mi.

Esdras 10:3 Iomraidhean Croise

2 Amuleina 11:17

Jehojada mi mba ki vun ma djinda aduk Ma didina kamulâ ki sumuna, a djin vunazi ala ar azi ka’î suma hi Ma didinina. Mi mba ki vun ma djinda aduk amulâ ki sumuna mi.

2 Sunda Hamuleinid’a 29:10

Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

2 Sunda Hamuleinid’a 34:21

Agi i djobogi Ma didina kan an ki Israel suma a arâ ki suma Juda suma a arâ yam zla d’a kur mbaktum mba a fat wanda. Kayam Ma didina hurum mi zal kei ngola ni kayambala abuyoi ngolo a ngom nga zla mamba, a le nga sunda yam zla d’a pet ta a b’irit kur mbaktum ndata d’uo d’a.

2 Sunda Hamuleinid’a 34:27

Ang hum zla d’a an dat yam azì ma Jerusalem-ma ki suma a nga kaka kurumid’a woi tetet. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî ni, ni humungû. An Ma didina ni de na.

Esdras 10:11

Ki tchetchemba, agi dagi tcho magid’a woi mi Ma didina Alona habuyogi ngolona, agi walagi woi ki suma kur ambas sa wandina kandjaf arop suma dingâ mi.

Esdras 10:44

Sum ndazina pet a ni suma a vik andjaf arop suma dingîna, a vud’uzi grona ablaud’a mi.

Esdras 10:9

Andjof suma Juda-na ki suma Benjamin-na pet a tok avo Jerusalem ni kur bur ma hindina. Ni bur ma dok mbàna hi til ma zlengîna. Suma pet a tchol ata yima avun gong nga kud’ora hAlonid’ina, a nga zlak abo zla ndata, abo alo ma nga mi sena mi.

Esdras 9:4

Ata yi máma suma a le mandara zlad’a hAlona hi Israel-lîna yam tcho d’a suma a tcholï ata yima magomba a latina, a tok gevenu. An ar kaka ata yi máma ki hur ma hata ngola gak ler ra a ngat ahlena buzuna fladeged’a.

Nehemi 10:1

Suma a tin simiyêzi kur mbaktumbina ba wana: Ma te yamba Nehemi Hakaliya goroma,

Nehemi 8:14

Azi fe b’ira kä kur Gat ta Ma didina mi hat mi Moise-sa ala: Israel-lâ a ka’î kur zlub’ud’a ba, a lü vun til ma zlub’ud’a kur til ma kid’iziyana,

Nehemi 9:38

A de kua ala: Kayam ndata, ami hami tamiya, ami djinimi vunamiya, ami b’irim kä. Mami suma avok sumina, mami suma hi Levi-na ki mami suma ngat buzuna a tin simiyêzi kur mbaktumba, a tum tampongâ kua mi.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 119:59

An djib’er yam tit manda, an hulongî á tit yam vun mang ma hed’a.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Gat ta a hat á mbàd’id’a 29:12

Agi mbagi ka hî á djinigi vunagi ki Ma didina yam vun ma djin ma mam nga mi djinim ini ki sed’egi ki gun tad’a wana

Josue 9:6

A i a fe Josue azi ki Israel-lâ pet kur kangâ avo Gilgal, a dazi ala: Ami tcholomi ni yam ambas sa deid’a. Ki tchetchemba, ar ei djini vuneya.