Esdras 1:7 - Bible azumeina

⁷ Amulâ Sirus tamba, mi hulong ahle suma kur gong nga kud’ora hi Ma didinid’a suma Nebukanezar mi yozï adjeu avo Jerusalem mi tchuguzi kur gong nga kud’ora halo mamid’ina.

Esdras 1:7 Iomraidhean Croise

2 Amuleina 24:13

D’igi Ma didina mi de avok na, Nebukanezar mi yo ahle suma a nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur gong nga ngom ndjondjoî d’a kur azina hamulîd’ina pet, mi to ahle suma lor suma Salomon amul ma Israel-lâ mi minizi á le ki sunda kur gong nga kud’ora hi Ma didinid’ina woi pepet mi.

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

2 Sunda Hamuleinid’a 36:18

Nebukanezar mi yo ahle suma sun suma kur gong nga kud’ora hi Ma didinid’a suma nglona ki suma gureina zlapa kahle suma ndjondjoî suma kur gonga hi Ma didinid’ina ki suma hamulîna ki suma hi mam suma sundina pet mi, mi i ki sed’ezi avo Babilon.

2 Sunda Hamuleinid’a 36:7

Nebukanezar mi yo ahle suma sun suma kur gong nga kud’ora hi Ma didinid’ina, mi tchuguzi sä kur aziyam mamula avo Babilon.

Esdras 5:14

Amulâ Sirus mi yoi ahle suma a lazi ki lora kahle suma a lazi ki kawei ma hapma suma Nebukanezar mi yozi kur gong nga kud’ora hAlonid’a avo Jerusalem mi tchuguzi sä kur gong nga kud’or fileina avo Babilon-na, mi hazi abo sama a yum ala Sesebasar ma mam tinim á te yambina.

Esdras 6:5

Ar a hulong ahle suma a lazi ki lora kahle suma a lazi ki kawei ma hapma suma kur gong nga kud’ora hAlonid’a avo Jerusalem suma Nebukanezar mi yozi mi izi Babilon-na, ar a hulongôzi tinda ata yazi ma a yozi kua adjeu kur gong nga kud’ora hAlonid’ina.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Daniel 1:2

Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.