Efes-sâ 6:5 - Bible azumeina

⁵ Agi magumeina, agi humugi zlad’a hi suliyogi suma yam andagad’a ka hina ki mandarâ ki zlaka ki hur ma tuna d’igi ni mi Christ na.

Efes-sâ 6:5 Iomraidhean Croise

Ad’u Tinda 16:9

Malaikana hi Ma didinina mi hulong dat ala: Ndak hulong gen salaka, ndak ge yak kä ad’ud’u.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Sawal la giled’a 123:2

Gola! Ami irami nga ni tinda yam ang Ma didina Alo mamina d’igi azungeîna a nga tin irazi yam suliyozina na, d’igi yuguneina a nga tin irazi yam suliyozi suma aropma na mi, tala ang wami hohowomiya d’a.

Sawal la giled’a 86:11

Ma didina, ang had’an lovot manga; an mba ni tit kur gagazi manga; ang han hur ma lulumana kayam an ringîng mandarangû.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Matiye 6:22

Jesus mi had’azi kua ala: Ira ni d’igi lalamba hi tad’id’a na. Le irang nga lafiya ni, tang pet ni b’od’a.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

Matiye 8:9

Kayam an nga nad’u vun ma hed’a hi sa mi, an nga ki azigarâ abonu. An le ni de mi ma tuna ala: Ang iya ni, mi iya; wani an le ni de mi ma dingâ ala: Ang mbeya ni, mi mba mi; an le ni de mazong mana ala: Ang le hina ni, mi le mi.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

Romê-na 9:3

An tan min ala le ni vama nda’â ni, an mbut sama vun ma ged’a hAlonina kama á wal lei ki Christ yam b’oziyon suma ala nandjavanu na.

1 Korente-na 2:3

Kayam ndata, an kak adigagi d’igi sama amangeîna na ki mandarâ ki zlak ka ngola mi.

1 Korente-na 7:22

Kayam magom ma Salad’a mi yuma ni gor vuta hi Salad’ina. Hina mi, gor vut ma Salad’a mi yuma ni magoma hi Christ-sâ.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 7:15

Ata yima humam gum yam ge d’a agi gagi yagi kä avoromba, ata yima agi vum atagi ki mandarâ ki zlakina, hurum vagi ngola kala.

Efes-sâ 5:22

Aropma, ar agi gagi yagi kä avok andjuviyogi d’igi agi nga gagi yagi kä avok Salad’a na mi.

Efes-sâ 6:24

Ar Alona mi ve suma pet suma a nga le yam Saleina Jesus Christ ki od’a bei dabid’a ba d’ina sumad’a.

Filip-ma 2:12

Kayam ndata, buniyôn suma od’a, d’igi agi nga humun teteu na, nga ni iran hol li, wani ki tchetchemba an nga adigagi d’uo pî, ar agi lagi sunda yam sut magid’a ki mandarâ ki zlaka mi.

Filemon 1:16

Wani ni d’igi magoma na d’i, wani mi kal magoma, ni wiyei ma ei lei kam heî yam Christ-sâ. An le kam heî, wani ang mba le kam kala, ni magoma mi na, wani ni wiyengâ yam Salad’a.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

1 Pierre 3:2

kayam azi mba gol tit magi d’a d’ingêra ki ge d’a agi gagi yagi kä d’a.