Efes-sâ 6:3 - Bible azumeina

³ Hina wani, ang mba kak ki djivid’a, ang mba te ngola tatâ yam andagad’a mi.

Efes-sâ 6:3 Iomraidhean Croise

Isai 3:10

Agi nga dagi yam ma d’engzengâ ala mam mba mi kak ki djivid’a; ahle suma mi lazina, mba mi faziya.

Jeremi 35:7

Agi mba minigi azì d’oze zaragi andjaf ma ding tu d’oze pagi guguzlud’a d’oze agi mba kagagi ki va tu d’i. Wani agi mba kagagi ni kur zlub’ud’a ata yima agi nga ki iragi yam andagad’ina pet tala agi tagi tatâ yam andaga d’a agi mba kagagi angoyogeina kata d’a.

Jeremi 42:6

Le ni zla d’a djivi d’oze zla d’a tcho, ami mba gami yami kä ad’u dela hi Ma didina Alo mami ma ami sunung gevema. Hina wani, ami mba lami furîd’a ata yima ami gami yami kä ad’u dela hi Ma didina Alo maminid’a.

Efes-sâ 6:2

Ar ang hu abung kasungû. Wana ni vun ma he ma avok ma nga zlapa ki vun ma hled’ina.

Efes-sâ 6:4

Agi abuyod’a, ar agi djogi grogina ki zlad’a d’i, wani agi wuluzi akulo, agi gad’aziya, agi had’azi zlad’a hi Salad’id’a mi.

Gat ta a hat á mbàd’id’a 12:25

Agi tum mbi, kayambala agi kandjavagi ma mba vud’um bugolâ, agi kagagi ki furîd’a d’a. Hina wani, agi mba lagi sun nda d’ingêra avok Ma didina.

Gat ta a hat á mbàd’id’a 12:28

Agi ngomogi ahlena pet suma agi humuzi suma an nga ni hagi vuna kazina kayambala agi kandjavagi ma mba vud’um bugolâ, agi kagagi ki furîd’a didinu d’a. Hina wani, agi mba lagi sun nda djivid’a ki sun nda d’ingêra avok Ma didina Alo magina.

Gat ta a hat á mbàd’id’a 22:7

Agi aragi asud’a ti iya, agi yogi grod’a kayambala agi kagagi ki furîd’a agi tagi tatâ yam andagad’a d’a.

Gat ta a hat á mbàd’id’a 4:40

Agi ngomogi gat mamba ki vun mam ma he ma an nga ni hagizi inina kayambala agi ki grogi suma blogogina, agi kagagi ki furîd’a tala agi tagi kagagi tatâ yam andaga d’a Ma didina Alo magina nga mi hagizi ki iragi fafat wanda d’a.

Gat ta a hat á mbàd’id’a 5:16

Ar ang hu abung kasungû, d’igi an Ma didina Alo mangâ ni hang vuna na, kayam ang te ngola tatâ ki furîd’a yam andaga d’a an Ma didina Alo mangâ mba ni hangzid’a.

Gat ta a hat á mbàd’id’a 5:33

Agi tid’igi kur lovot ta Ma didina Alo magina mi tagagizid’a memet tala agi kagagi karid’a ki furîd’a agi tagi ngola tatâ yam ambas sa agi nga hlat wanda d’a.

Gat ta a hat á mbàd’id’a 6:18

Agi lagi nahle suma d’ingêrâ kahle suma djivina ir Ma didina kayambala agi kagagi ki furîd’a á kalagi kur ambas sa djivi d’a Ma didina mi hle vunam kat mabuyogi ngolo á hagizid’a,

Gat ta a hat á mbàd’id’a 6:3

Agi Israel-lâ, agi humugiya, agi ngomogiziya, agi tid’igi kazi mi kayambala agi kagagi ki furîd’a, agi zulugi ngola d’igi Ma didina Alona habuyogi ngolona mi de na kur ambas sa ambira ki mbul ayuma a nga sor kä kuad’a d’a.

Wana ni mbaktum mba a b’irit yam Rut-ta 3:1

Bur tu Naomi ti de makunota Rut ala: Akunonda, djivid’a an halak mandjufâ kayam ndak kak ki furîd’a.