Efes-sâ 6:18 - Bible azumeina

¹⁸ Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Efes-sâ 6:18 Iomraidhean Croise

1 Amuleina 8:52

Salad’a Ma didina, ang mal irang ngeyo, ang hum tchen manda ki tchenda hi sum mangîd’a a nga tcheneng ini ata yima lara ge ma ami nga tchenengâ.

1 Amuleina 8:54

Kid’a Salomon nga mi tchen Ma didina ki hud’id’a, mi ni grifa kä avok yima ngal ahle suma ngat buzuna, abomî yod’a akulo hur alona. Kid’a vunam dap tchendid’a, mi hulong tchol akulo.

1 Amuleina 8:59

Ar Ma didina Alo meina mi djib’er yam tchen nda an tchenemba andjege ki faleya, ar mi le ki an azong mama ki agi sum mama ata lovot ta d’ingêra burâ ki burâ mi.

1 Amuleina 9:3

Ma didina mi dum ala: An hum tchen mang nga hu d’a ang tchenenda, an tin wa gong nga ang minita irat vad’u, an mba ni kak kua adigagi gak didin, an mba ni tin iran kad’u, an mba ni vagi atan burâ ki burâ mi.

Ester 4:8

Mi hum mbaktum mba a b’irit ki vun ma hed’a hamulâ ki gat mam mba a tchat walat tei kur azì ma ngol ma Sus-sâ ala: A tchi Juif-fâ woyo d’a. Mi dum kua ala: Ang i tak mbaktum ndata mi Ester. Mi vum ad’u zlad’a, mi dum kua ala: Ang i dat ala ti i gen amulâ, ti tchenem yam sum matna, mi wazi hohowoziya.

Wana ni mbaktumba hi Job-pa 27:10

Na ni mba mi le furî d’a ngola yam Alo ma ad’engêm kal petna zu? Mba mi yum teteu mi zu?

Sawal la giled’a 4:1

Ni sawal la David mi hlat kadingâ mi hat mi ma ngolâ hi suma hle sawalina.

Sawal la giled’a 6:9

Agi suma lagi tchod’ina pet, agi hud’ugi sä woi dei gevenu, kayam Ma didina mi humun wa delen nda tchina.

Isai 26:16

Ma didina, ata yima ami nga kur ndakina, ami halangû, ata yima ang ngobomina, ami tcheneng ala ang ndjunumiya.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Daniel 9:20

An nga ni de zlad’a tua, an nga kur tchenda, nga ni de tcho manda woi ki tchod’a hi man suma Israel-lâ, an nga ni tchen Salad’a Alo mana tchen nda hud’a yam ahina mam mba mi tinit irat vata.

Wana ni mbaktumba hi Oze-d’a 12:4

Jakob mi veï dodogasem wiyema ni kur asum dei. Ata yima mi djeng sanina, mi ndjiget kAlona.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Matiye 17:21

Wani andjaf muzuk ma hina na, ang tchen nAlona ki d’el tad’a bei te tena tua ba, ang digim mbeyo.]

Matiye 26:41

Agi kagagi ki ndjola, agi tchenegi Alona, kayam agi tchugugi kur kuka d’i. Gagazi, hurâ mina, wani hliu tad’a amangeîd’a.

Marik 13:33

Agi gologi tagi djiviya, agi kagagi ki ndjola, agi tchenegi mi, kayam agi wagi nga yima bur máma mba mi mba kuana d’i.

Marik 14:38

Agi kagagi ki ndjola, agi tchenegi Alona mi, kayam agi tchugugi kur kuka d’i. Gagazi, hurâ mina, wani hliu tad’a amangeîd’a.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Wana ni Zla d’a Djivi d’a Luc mi b’irita 22:46

Mi dazi ala: Ni kayam me ba, agi burugi sena ge? Agi tchologi akulo, agi tchenegi Alona, kayam agi tchugugi kur kuka d’i.

Wana ni Zla d’a Djivi d’a Luc mi b’irita 3:26

ni ma Mat goromina, ni ma Matatiyas goromina, ni ma Semein goromina, ni ma Josek goromina, ni ma Joda goromina,

Wana ni Zla d’a Djivi d’a Luc mi b’irita 3:37

ni ma Metusala goromina, ni ma Enok goromina, ni ma Jeret goromina, ni ma Mahalalel goromina, ni ma Kenan goromina,

Sunda hi suma a sunuzinid’a 1:14

Azi pet a nga toka, a nga tchen Alona ki hur ma tuna zlapa karopma ki Marie Jesus asum ki b’oziyoma mi.

Sunda hi suma a sunuzinid’a 10:2

Ni sama djivina, nga mi le mandara Alona ki suma avo hatama pet. Mi nga mi ndjun suma hou suma Juif-fâ ngola, nga mi tchen Alona teteu mi.

Sunda hi suma a sunuzinid’a 12:5

Azigarâ a nga ngom Pierre kur dangeina, wani suma toka a nga tchen Alona kam ki hat hurâ bei ara ba.

Sunda hi suma a sunuzinid’a 6:4

Wani ami vami tami á tchen Alona, á tchi wal zla mamba mi.

Romê-na 12:12

Ar agi lagi furîd’a yam hur magi ma tinda. Ar agi vagi tagi kur ndaka. Ar agi tchenegi Alona bei ara ba.

Romê-na 8:15

Kayam Muzuk ma Alona mi hagizina mi mbud’ugi ni magumeina d’i, ná lagi mandar ruo mi, wani mi mbud’ugi Alona groma. Hina, yam ad’enga hi Muzuk mamid’a, ei nga yi Alona ala Aba, nala, Abunu.

Galat-na 4:6

Kayam agi mbud’ugi groma, kayam ndata, Alona mi sunï Muzu’â hi Goromina kuri ma nga mi zud’i á yi ala Aba, nala, Abunu.

Efes-sâ 1:16

kayam ndata, an nga ni le mersi mAlona teteu kagiya. An nga ni djib’er kagi kur tchen manda,

Efes-sâ 2:22

Kayam mamu, a nga minigi akulo zlap tu á mbud’ugi gong nga kaka hAlonid’a yam Muzuk mama.

Efes-sâ 3:18

zlapa ki suma hAlonina pet, kayam agi fagi ad’enga á we o d’a ngola hi Christ-sa ki bubu mata ki fiyak mata ki fiyak mat ta akulod’a ki zul mat ta kä yiyika.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Efes-sâ 6:19

Agi tchenegi Alona kan mi, kayam mi han ad’enga á de zla d’a irata bei mandarâ ba, á väd’u zla d’a mudurid’a hi Zla d’a Djivid’id’a woi abua.

Filip-ma 1:4

Kur tchen manda pet, an nga ni tchen Alona kagi ki furîd’a,

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

Kolos-sâ 1:3

Ata yima ami nga tchenemi kagi teteuna, ami nga lami mersi mAlona Abu Saleina Jesus Christ,

Kolos-sâ 1:4

kayam ami humumi zla he gagazi magi d’a yam Jesus Christ-sa ki o d’a agi nga lat yam suma hAlonina peta mi.

Kolos-sâ 4:2

Agi aragi bei tchen Alona d’i, agi kagagi ki ndjola, agi lagi mersi mAlona mi.

1 Tasaloni’â 5:17

Agi tchenegi Alona bei ara ba.

1 Timote 2:1

Avok ahlena pet, an nga ni gigid’egiya, ar agi tchenegi Alona tchen nda irata ki hud’a yam suma pet. Ar agi lagi mersi mAlona yam suma pet,

2 Timote 1:3

An nga ni le mersi mAlo ma an nga ni lum sunda d’igi abuyon ngolo a lumzi adjeuna ki djib’er ra krovo d’a djivid’a na na. An nga ni djib’er kang kur tchen manda andjege ki faleya.

Filemon 1:5

kayam an hum zla o mang nga ang nga lat yam suma hAlonina peta ki he gagazi mang nga yam Salad’a Jesus-d’a.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

Jude 1:20

Wani agi buniyôn suma od’a, agi wulugi tagi akulo kur he gagazi magi d’a kal papa d’a tinigi iragi vagi mAlonid’a, agi tchenegi Alona kad’enga hi Muzuk mam ma bei tchod’a ba na mi.

1 Samuel 1:12

Ata yima ti nga kur tchenda avok Ma didina tua na, Eli nga mi golot vunad’u.