Efes-sâ 6:14 - Bible azumeina

¹⁴ Agi minigi tagiya. Agi siragi ngingring kur gagazid’a d’igi sana mi djin d’i’â furum na. Agi tchugugi d’ingêra atagi d’igi kongrongâ na.

Efes-sâ 6:14 Iomraidhean Croise

2 Amuleina 3:21

Kid’a suma Mowap-ma a hum ala amulei ndazina a mba nga á duruzi ayîna d’a, amul ma Mowap-ma mi tok suma bizazi ndak á yo ahle suma dur ayînina ki suma bizazi kalâ pet, a i tchol sä ir hagad’a.

Wana ni mbaktumba hi Job-pa 29:14

D’ingêra ti ni baru man ma tchuka, sariya man nda ka d’a d’ingêra ni baru man nda ngola ki djum manda mi.

Isai 11:5

D’ingêra mba d’i mbut ni d’ik ma mam djinim furuma, d’engzenga mba d’i mbut ni d’ik ma mam mba mi djinim ir tchuguluma mi.

Isai 59:17

Mi tchuk d’ingêra atam d’igi sana mi tchuk kongrongâ atam na, mi kulup djum mba suta kam mi. Mi tchuk baru ma sä atchugula atamu, mi tchuk yungôra atam d’igi sana mi tchuk baru d’a ngola atam na mi.

Wana ni Zla d’a Djivi d’a Luc mi b’irita 12:35

Jesus mi had’azi kua ala: Agi djinigi d’i’â furugi ad’enga ndinding, ar lalam magid’a ti b’o mi.

Romê-na 13:12

Andjeged’a ti ar wa go á kala, yina mi ar wa go á fod’a. Kayam ndata, ei arei sunda hi nduvundid’a woyo, ar ei tchugi ahle suma dur ayîna atei á duri ayîna kur b’od’a.

2 Korente-na 6:7

ki wal mami d’a tchi d’a gagazid’a kad’enga hAlonid’a. Ami nga kahle suma dur ayî suma d’ingêrâ á sut tami á dur ayîna mi.

Efes-sâ 5:9

Kayam sama nga kur b’od’ina nga mi landjaf sun nda djivi d’a lara ge pet ki d’ingêra ki gagazid’a mi.

Efes-sâ 6:13

Kayam ndata, ar agi yogi ahle suma dur ayîna hAlonina pet abogiya, kayam agi fagi ad’enga á tchologi á d’elem kur bur ma tchona. Bugol la agi kuzugi yam ahlena peta, agi tchologi ngingring.

1 Tasaloni’â 5:8

Wani ei ni suma hafatina á kagei irei sik. Ar agi tchugugi he gagazi magid’a ki o magid’a atagi d’igi sana mi tchuk kongrongâ atam na, ar agi kulubugi hur ma tin mala ni sut magid’a na kagi d’igi sana mi kulup djumba kam na mi.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

Vama ndum mbeina 9:17

Ata yima vana nde tam mbei irana, an we akulumeina ki suma a nga kazina, azi nga ki kongrong ma hleuna d’igi akud’a na, botlozid’a d’igi safira na, grumgrum d’igi sufred’a na. Yam akulumei ndazina ni d’igi yam azlona na. Akud’a nga d’i buzuk kei avunazi kandosâ d’igi andosâ hi sufred’ina na.

Vama ndum mbeina 9:9

Kongrong ma nga didigazina, mi ni d’igi kongrong ma kawei ma wurana na, gigingâzi mi siwelî d’igi pus ma ablau ma akulumeina a tanam ma djang á i ata yima dur ayînina na.