Efes-sâ 6:13 - Bible azumeina

¹³ Kayam ndata, ar agi yogi ahle suma dur ayîna hAlonina pet abogiya, kayam agi fagi ad’enga á tchologi á d’elem kur bur ma tchona. Bugol la agi kuzugi yam ahlena peta, agi tchologi ngingring.

Efes-sâ 6:13 Iomraidhean Croise

Ma tchi wala 12:1

Ang azongâ, ang le furîd’a kur azong manga, ang le furîd’a kurung krovo ata yima ang nga kazongina, ang le vama hurung minima, ang tit kur lovot ta ang wat djivid’a iranga. Wani ang we woi tetet ala Alona mba mi yang ata yima ka sariyad’a.

Amos 6:3

Agi djib’eregi ala agi walagi wa woi dei ki bur ma ndaka, wani agi hud’ugi ni murud’umba á te kagagiya.

Malatchi 3:2

Ni nge ba, mba mi so tam kur bur ma mba mamba ge? Ni nge ba, mba mi tchol avorom fata mba mi ndei woi d’a ge? Kayam mi hle tamî d’igi akud’a hi suma tchafid’a na, mi hle tamî d’igi sabulâ hi sama mbus barud’a hapina na mi.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Wana ni Zla d’a Djivi d’a Luc mi b’irita 8:13

Andjaf ma mi nde ata yima alakina ni suma a hum zlad’a, azi vat ki furîd’a, wani sidiyezi mi i nga kä ngol luo na. Azi he gagazid’a, a le burâ tcha. Ata yima kuka mbana, azi ar zlad’a hAlonid’a woyo.

Romê-na 13:12

Andjeged’a ti ar wa go á kala, yina mi ar wa go á fod’a. Kayam ndata, ei arei sunda hi nduvundid’a woyo, ar ei tchugi ahle suma dur ayîna atei á duri ayîna kur b’od’a.

2 Korente-na 10:4

Ahle mami suma dur ayîna a nga nahlena hi suma bei he gagazid’ina d’i, wani nahle suma dur ayî suma ad’eng suma hAlonina á to gulumun ma ad’eng ma ngunguna hi ma djangûnina kä woyo. Ami pleyêmi tuguyo d’a hawa yaka hi sumid’a

Efes-sâ 5:16

Ata yima agi fagi yinina, agi lagi wat, kayam atchogoi d’a ei nga kurut wanda ti tchod’a.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

Jacques 4:7

Agi gagi yagi kä avok Alona, agi tchologi ad’enga ngingring á noî Diable woyo. Hina wani, mba mi ring ngei dei ki sed’egiya.

1 Pierre 4:1

Kayam Christ mi fe ndaka kur hliwimu, ar agi minigi tagi ki djib’er ra tu ndata mi, kayam sama ve tam kur ndaka kur hliwima, mi wal lei ki tchod’a.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.

Vama ndum mbeina 6:17

Kayam bur ma ngolâ hayî mazinina mba wa; ni nge ba, mba mi tchol avorom ge?