Efes-sâ 5:18 - Bible azumeina

¹⁸ Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

Efes-sâ 5:18 Iomraidhean Croise

Ad’u Tinda 9:21

Bur ma dingâ mi tche süm guguzlud’a, mi gurud’a, mi bur kur zlub’u mamba kä gandilad’a.

Sawal la giled’a 69:12

An tchuk dodora atanu, wani an mbut ni va mazi ma lasa.

Zla d’a d’ogolâ 20:1

Süm guguzlud’a ni vama las suma, süm ma ayîna heîna nga mi mba ki batranga mi. Sama mi he tam yam süma á tched’ina nga mi wäd’u zla d’i.

Sawal la kal teglesa 1:4

Ang van abonu, ang tananu, ei ringîya. Angî amul mana, ang kalan klavi hatangû, ei lei hur ma hapma ngola ki furîd’a. Ar ei suburi o mang nga kal süm guguzlud’id’a. Yuguneina a le kang nata yad’u!

Sawal la kal teglesa 7:9

An dala: An mba ni djak akulo ata amilaûd’a, an mba ni vat vud’ut kä! Ar apok mi ngros sei d’igi ades vud’a guguzlud’a na, ar muzuk ka avunaka ti his afufuîd’a d’igi vud’agu poma na!

Isai 25:6

Ma didin ma ad’engêm kal petna mba mi le tena mandjaf suma pet yam ahina d’a Siyon-nda. Ni te ma djivi ma mbulâ zlapa ki süm guguzlu ma djivi ma adjeuna, ni te ma mbul ma oîd’a kandjulorina ki süm guguzlu ma adjeu ma d’igila hirwilingâ.

Isai 5:22

Ni zla d’a hohoud’a yam suma a nga kad’enga á tche süm guguzlud’ina, yam suma a nga kad’enga á hlum süm ma ayîna iram tetengâ!

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Sunda hi suma hi Levi-nid’a 10:9

Agi ki grongâ agi tchagi süm guguzlu d’oze süm ma ayîna ata yima agi kalagi kur zlub’u d’a ngaf tad’ina d’i, kayambala agi bogi woi d’uo d’a. Zla ndata ti arî gat ta didinda yam andjavagiya,

Matiye 23:25

Ni zla d’a hohoud’a kagi agi suma hat gata ki Fariziyê suma lop ira, kayam agi nga mbuzugi huyok kopma ki tazana woi yed’et, wani huruzi ma krovona mi ni oîd’a ki kula ki djib’er ra bei ve tad’a ba d’a.

Matiye 24:49

mba mi nde to ndrom suma sunda, mba mi te, mba mi tche zlapa ki suma a gurut ki sümina.

Wana ni Zla d’a Djivi d’a Luc mi b’irita 1:15

Mba mi mbut sama ngolâ avok Salad’a, mba mi tche süm guguzlud’a ki süm ma ayîna d’uo mi. Mba mi oî ki Muzuk ma bei tchod’a ba na ata yima a mba vud’uma.

Wana ni Zla d’a Djivi d’a Luc mi b’irita 11:13

Le agi suma tchona agi wagi á hahle suma djivina mi grogina ni, na ni Abugi ma sä akulona mba mi he Muzuk mam ma bei tchod’a ba na mi suma a nga tchenema kal luo zu?

Wana ni Zla d’a Djivi d’a Luc mi b’irita 12:45

Wani le azong máma mi de kurum ala: Salana mba mi mba atogo d’i, mi nde mi to azungeî suma dingâ ki yuguneina, mi te, mi tche gak mi gurut ki süma ni,

Wana ni Zla d’a Djivi d’a Luc mi b’irita 21:34

Jesus mi had’azi kua ala: Wani agi gologi tagi djiviya, ar agi tinigi hurugi yam ahle suma tena d’oze yam ahle suma tched’a ki djib’era hi duniyad’id’a tala bur máma mi mba kagi d’igi dauna na d’a d’i.

Jean 2:10

mi dum ala: Sama lara pî mi he ni suma süm ma djivina avok tua. Le azi tche a ndak wa tua ni, mi hazi ma abei ayîna tua. Wani ang ar ma djivina gak ki tchetchemba nana ge?

Sunda hi suma a sunuzinid’a 11:24

Mam mi sama djivina. Muzuk ma bei tchod’a ba na ki he gagazid’a a nga oîd’a kurum mi. Suma ablaud’a a mbut suma hi Salad’ina.

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

1 Korente-na 11:21

Ata yima agi nga avun tenina, nge nge pî nga mi b’at tam á hle te mama. Kayam ndata, suma dingâ a nga ki meid’a, suma dingâ a nga gurut mi.

1 Korente-na 5:11

Wani an dagi ni yam sama yi tam ala mam mi kretiyêna na. Wani le ni ma mizeuna, d’oze ma a’arad’a, d’oze ma tuwal fileina, d’oze ma ngul suma, d’oze ma gurut ki süma, d’oze ma kula, ar agi lagi darigïd’a ki sed’em mbi, ar agi tagi va ki sed’em mbuo mi.

1 Korente-na 6:10

suma kula, suma a’arad’a, suma gurut ki süma, suma ngul suma, suma tchiget suma ki suma hina na a ndak á kal kur leud’a hAlonid’a d’i.

Gat ta a hat á mbàd’id’a 21:20

Azi de mi suma nglo suma kur azì mámina ala: Gola! Goromina ni gor ma yam mba ad’enga ma bei hum vuna, nga mi humumi d’i, ni gor ma batrangâ, ni gor ma gurut ki sümina mi.

1 Tasaloni’â 5:7

Kayam suma a nga burâ senina, a nga burâ sena nandjege. Suma a nga gurut ki sümina, a nga gurut nandjege mi.

Wana ni mbaktum mba Paul mi b’irit mi Tit-ta 1:6

Mbeî ma ngol ma gol Toka ni ma bei zlad’a kama, ni ma katchad’a tuna, ni ma groma a he gagazid’ina, ni sama suma bei kal kam yam zla d’a tchod’a d’oze tchilad’a ba na.