Efes-sâ 5:17 - Bible azumeina

¹⁷ Kayam ndata, ar agi kagagi d’igi suma lilid’a na d’i, wani agi b’ad’agi tagi á wäd’u vama Salad’a mi min ala agi lagiziya na.

Efes-sâ 5:17 Iomraidhean Croise

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Sawal la giled’a 119:27

Ang had’an á wäd’u gat manga; an mba ni de woi yam ahle mang suma ndandalâ.

Zla d’a d’ogolâ 14:8

Ned’a hi sama ned’id’a ti tagamî tit mamba, wani lilid’a hi suma lilid’id’a ni mbut ira.

Zla d’a d’ogolâ 2:5

ata yi máma ang mba we á le mandara Ma didina, ang mba fe lovota á wAlona mi.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Efes-sâ 5:15

Kayam ndata, agi gologi tagi djivi yam tit magid’a. Ar agi tid’igi d’igi suma bei ned’a na d’i, wani d’igi suma ned’a na.

Gat ta a hat á mbàd’id’a 4:6

Agi ngomoziya, agi tid’igi kazi mi. Hina wani, agi mba mbud’ugi ni suma ned’a ki suma wad’ud’a. Suma ding suma a mba we gat ndata ki vun ma he mama mi na, a mba de kagi ala: Andjaf ma ngol ma wana nandjaf ma ne ma wad’ud’a.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

Kolos-sâ 4:5

Ar agi tid’igi ki ned’a aduk suma bei he gagazid’ina, ar yina mi kalagi d’i.

1 Tasaloni’â 5:18

Agi lagi mersi mAlona yam ahlena pet. Wana ni minda hAlona d’a yam kak magid’a zlapa tu ki Jesus Christ.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.