Efes-sâ 4:9 - Bible azumeina

⁹ Wani zla d’ala mi tup akulod’a, ad’ut nana ge? Nala, mi surop kä kur yima yiyik ma handagad’ina avok tua.

Efes-sâ 4:9 Iomraidhean Croise

Ad’u Tinda 11:5

Kayam ndata, Ma didina mi tchugï asem kä á gol azina ki gong nga fiyak ka akulo d’a suma a nga minita.

Sawal la giled’a 139:15

Ata yima ang lan ata yima ngeid’a ang djaganï kä kur yima yiyik ma kä ad’u andagad’ina, hliwin mi nga ngeid’a avorong ngi.

Sawal la giled’a 63:9

An reî tan ni ki angû, ad’eng manga nga d’i djigin akulo.

Sawal la giled’a 8:5

an nga ni djop tan ala: Sana ni nge ba, ang djib’er kam ge? Gor sana ni nge ba, ang ngomom ge?

Buzuk ka Abud’a 19:20

Ni hina ba, Ma didina mi tchugï asem kä yam ahina d’a Sinai-d’a yam yat ta ked’iwurenga. Ma didina mi yï Moise ei ata yi máma; Moise mi djak sä akulo gevemu.

Zla d’a d’ogolâ 30:4

Ni nge mi djak akulo ba, mi hulongî kä ge? Ni nge mi ve simetna hur abom ge? Ni nge mi gul mbina atam kur baruna ge? Ni nge mi tin vun dabid’a handagad’id’a ge? Simiyêm nana ge? Simiyê goroma nana ge? Le ang wumu ni, ang danu.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Ezekiyel 31:14

A le hina ni kayambala agu ma avun mbina ma mi tche mbina heîna, mi wul gak yam mbi do d’ugula d’oze mi subur tam yam fiyak mamba d’uo d’a, kayam aguna pet a lum ná matna d’igi suma na, a mba i kä ad’u andagad’a gen suma a i kä azuleina.

Matiye 12:40

D’igi Jonas mi le burâ kur kuluf ma ngolâ falei hindi andjege hindi na, an Gor Sana mba ni le burâ hindi faleya, hindi andjege kä aduk andagad’a hina mi.

Jean 20:17

Jesus mi dat ala: Ndak don ndi, kayam an djak nga gen Abun biya d’i, wani ndak i gen b’oziyona, ndak dazi ala an nga ni djak gen Abun mala nAbugiya na, gen Alo man mala nAlo magina na mi.

Jean 3:13

Sama djak kur akulod’ina nga d’i, wani ni an Gor Sana ma tcholï akulona.

Jean 6:33

Kayam tena hAlonina ni sama tcholï akulona, ni sama he arid’a mi suma kur duniyad’ina.

Jean 6:38

kayam an tcholï akulo ná le min manda d’i, wani ná le minda hi mam Ma sununïna.

Jean 6:41

Kayam ndata, Juif-fâ a gureî kamu, kayam mi dala: An ni te ma tcholï akulona.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Jean 6:58

Wana ni te ma tcholï akulona: Mi nga ni d’igi te ma abuyogi ngolo a tum pî a bo ki na na d’i. Sama te te ma wanina mba mi kak karid’a gak didin.

Jean 6:62

Wani fata agi le wagi an Gor Sana djak wa akulo ata yima an nga kua avo’â ni, agi mba lagi ni nana ge?

Jean 8:14

Jesus mi hulong dazi ala: Le an le ni glangâsâ yam tan pî, glangâs mana ni gagazi, kayam an we yima an tcholï kuana ki yima an i kuana mi, wani agi wagi nga yima an tcholï kuana d’oze yima an i kuana d’uo mi.

Hebre-na 2:7

Ang hulongôm kä ad’u malaikana ndjö, ang kulubum avaval la amula kamu, ang hum ngola mi. Ang tinim á te yam ahle suma ang lazi kabongina pet.

Hebre-na 2:9

Wani ei wei Jesus ma Alona hulongôm kä ad’u malaikana ndjö na. Ki tchetchemba, mi kulubum avaval la subura kamu, mi hum ngola mi. Ni yam sumad’a hAlonid’a ba, mi fe ndaka, mi mit yam suma pet.