Efes-sâ 4:32 - Bible azumeina

³² Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

Efes-sâ 4:32 Iomraidhean Croise

2 Samuel 7:21

Ni kayam zla manga ki nga hur mangâ ba, ang le sun nda ngol la atchapa á tagat tei mi an azong mangâ wana.

Sawal la giled’a 112:9

Nga mi b’rau ahligiyem mi suma houd’a; djivi mam mba led’a nga d’i dap puo mi. Mba mi mbut ngola, a mba suburum mi.

Sawal la giled’a 145:9

Ma didina, angî ma le djivid’a mi suma petna, angî ma we hohou ahlena pet suma ang lazina.

Zla d’a d’ogolâ 12:10

Sama d’ingêrâ nga mi ngom d’uwar mama djivid’a, wani djib’era hi sama asa’atnid’a ni murud’um mba led’a.

Zla d’a d’ogolâ 19:11

Sama wad’ud’a nga mi mbut ayîna atogo d’i. Subur mamba ni djib’er ra nga mi djib’er yam tcho d’a a nga lumzid’a d’uo d’a.

Zla d’a d’ogolâ 19:22

Vama suma a minim ata sanina ni djivi d’a led’a. Hotei ang kak sama houd’a kal la ang mbut sama ka zlad’id’a.

Isai 57:1

Wani ma d’ingêrâ nga mi ba woyo, sama mi djib’er yam zla ndatina nga d’i. Suma djivina a nga yozi woyo, wani sama mi wad’ud’a ala a hle sama d’ingêrâ woi ná prud’um mbei kur asa’ata na nga d’i.

Jeremi 38:12

Ebet-Melek ma Etiyopi-na mi de mi Jeremi ala: Ang tin baru d’a adjeu d’a d’ut ndata ad’u ahlabang kä yam ziyona. Jeremi mi le hina mi.

Matiye 6:12

Ar ang vat hurung ngei yam tcho mamid’a d’igi ami nga vad’ami hurumi woi yam suma a nga lami tchod’ina na mi.

Marik 11:25

Le agi nga tchologi á tchen Alona, le agi nga ki hur ma zala yam sa ni, ar hurugi vat tei kamu. Hina wani, Abugi ma sä akulona hurum mba mi vat tei yam tcho magid’a mi. [

Wana ni Zla d’a Djivi d’a Luc mi b’irita 1:78

Alo meina nAlo ma we hohou mamba kal teglesâ, mba mi b’o yina kei ki b’o d’a akulod’a d’igi afata ti deî na,

Wana ni Zla d’a Djivi d’a Luc mi b’irita 11:4

Ar ang vat hurung ngei yam tcho mamid’a, kayam ami vad’ami hurumi woi yam nge nge pî ma nga mi lami tchod’ina mi. Ar ang imi kur kuka d’i.

Wana ni Zla d’a Djivi d’a Luc mi b’irita 17:4

Le mi lang tchod’a yam kid’iziya kur bur ma tuna, mi hulong geveng yam kid’iziya, mi dala: An mbut wa hurunu ni, ang vat hurung ngei kamu.

Wana ni Zla d’a Djivi d’a Luc mi b’irita 6:35

Wani agi lagi yam magi suma djangûna, agi lagizi djivid’a, agi hazi balâ bei djib’er kam ba. Hina wani, wurak magid’a nga ngola, agi mba kagagi nAlo ma sä akulo ma kal teglesâ groma, kayam mam nga mi we hohowa suma bei le mersina ki suma tchona mi.

Wana ni Zla d’a Djivi d’a Luc mi b’irita 6:37

Jesus mi had’azi kua ala: Ar agi kagi sariyad’a yam sa d’i. Hina wani, Alona mba mi kagi sariyad’a kagi d’i. Ar agi vagi sa ki zla d’i. Hina wani, Alona mba mi vagi ki zlad’a d’uo mi. Ar agi vad’agi hurugi woi yam suma. Hina wani, Alona mba mi vat hurum mbei kagi mi.

Sunda hi suma a sunuzinid’a 28:2

Suma kur til ndata a le kami ngola heî, a vami atazi pet, a tchugumi akud’a, kayam alona nga mi se, ab’lenga nga d’i le mi.

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

1 Korente-na 13:4

Sama od’a nga mi ve tamu, nga mi le djivid’a, nga mi le yungôr ri. Sama od’a nga mi subur tam mbi, nga mi le yam mba ad’eng nguo mi.

2 Korente-na 2:10

Le agi vad’agi hurugi yam sa ni, an vat hurun ndei kam mi. Le an vat hurun ndei yam sa ni, an vat hurun ndei kam ni yam agi avok Christ,

2 Korente-na 2:7

Wani ki tchetchemba, ar agi vad’agi hurugi woi kamu, ar agi b’lengêm hurum mi, kayam hur ma zala kal kam mbi.

2 Korente-na 6:6

Ami nga tagami woi ala ami nazungeîna hAlonina, kayam ami ni suma yed’etna kur we mamid’a, kur ve ta mamid’a ki djivi mamid’a, kad’enga hi Muzuk mamid’a ki o mami d’a bei lop ira ba d’a

Efes-sâ 5:1

Agi hlagi balum asem Alona d’igi grom suma mam le kazi heîna na.

Jacques 5:11

Gola! Ei nga yorozi kayam azi ve tazi ad’enga. Agi humugi wa zla ve tad’a hi Job-pa. Agi wagi vama Ma didina mi le ki sed’em bugolâ, kayam Ma didina ni ma we hohowa sumina, ni ma sumad’a mi.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

1 Jean 1:9

Wani le ei dei woi yam tcho meid’a avok Alona ni, Alona ni Ma d’engzeng ma d’ingêrâ, mba mi vat hurum mbei yam tcho meid’a, mba mi mbuzi woi yed’et kur tcho meid’a pet mi.

1 Jean 2:12

Grona, an nga ni b’irigi kayam Alona mi vat hurum mbei yam tcho magid’a yam simiyê Christ da’.

Wana ni mbaktum mba a b’irit yam Rut-ta 2:20

Naomi ti de makunota ala: Ar Ma didina mi b’e vunam yam Bowas! An wala Ma didina mi ar nga djivi mamba kei ei suma arid’ina woi d’uo d’igi mi lat ki suma a bona na. Bowas nandjaf ma tuna ki sed’emiya. Ni ma ndak á tami djomina.