Efes-sâ 4:29 - Bible azumeina

²⁹ Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Efes-sâ 4:29 Iomraidhean Croise

Sawal la giled’a 45:2

Hurun nga oîd’a ki zla d’a djivid’a. An nga ni dala: Sun man nda an nga ni lata ná subur amulâ! Ar sinan ka’î d’igi sama d’al ma b’ir djivid’a heîna na!

Sawal la giled’a 5:9

Ma didina, yam d’ingêr manga ang tinin kur lovota abo man suma djangûna, ang blas lovot manga kä woi avoronu.

Sawal la giled’a 52:2

Mi hlat ni kid’a Dowek ma Edom-ma mi mba mi de mi Saul ala David mi kal nga avo hi Ahimelegu d’a.

Sawal la giled’a 71:24

An mba ni gileng kur burâ kaf yam d’ingêr manga; suma a nga hal á lan tchod’ina, a mbut zulona, a mang ngei mi.

Zla d’a d’ogolâ 12:13

Sama asa’atna nga mi ve tam ki dauna hi zla d’a ndavunamba, wani sama d’ingêrâ nga mi prut tam mbei kur ndak ka mba kamba.

Zla d’a d’ogolâ 15:23

Sana nga mi le furîd’a yam zla d’a de d’a djivi d’a mam hulongôt de d’a ki vunamba. Ni vama djivi ma kalâ ata yima sana mi de zlad’a ata yatna.

Zla d’a d’ogolâ 15:7

Zla d’a ti ndavun suma ned’id’a ti ya’î wed’a, wani suma lilid’a djib’er mazid’a ti nga hina d’i.

Zla d’a d’ogolâ 16:21

Sama ned’a a nga yum ala sama wad’ud’a, zla d’a djivi d’a nga d’i ndavun sanid’a nga d’i i ki wed’a avogovogo.

Ma tchi wala 10:12

Zla d’a ti ndavun sama ned’id’a, ti suburumî subura, wani zla d’a ti ndavun sama lilid’id’a, ti mbud’umî zulona.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Wana ni Zla d’a Djivi d’a Luc mi b’irita 4:22

Azi pet tazi lazi djivid’a kamu, a le atchap yam zla d’a suma d’a nga d’i ndavunamba, a dala: Mam mi Josef goroma d’uo zu?

Jean 1:37

Mam suma hat suma mbà ndazina, a hum zla mamba, a i ad’u Jesus.

Romê-na 14:19

Kayam ndata, ar ei halei ahle suma a nga mba ki b’leng nga halasa suma a nga minï akulo kur he gagazid’ina.

Romê-na 15:2

Ar nge nge pî adigei mi hal ni vama mi le ndrama tam djivid’a á wulum akulo kur he gagazid’ina.

1 Korente-na 14:19

Wani kur Toka, an min de zlad’a vahl ki djib’er manda á hat suma dingâ, kal la an de zlad’a dudubud’a dogo ki vun ma tetengîd’a.

Efes-sâ 4:12

Mi le na á mbut suma hAlonina memet á le sunda, á wul hliu tad’a hi Christ-sa akulo kur he gagazid’a,

Efes-sâ 4:16

Yam ad’enga hi Christ-sa, ir hliu tad’a pet nga d’i djak zlapa, sidei ma lara ge pet nga mi djik hliu tad’a pet zlapa mi. Hina, le ir hliu ta d’a lara ge pet nga d’i le sun mata ni, hliu ta ndata pet nga d’i wul akulo, nga d’i min tat akulo kur od’a mi.

Kolos-sâ 4:6

Ar zla d’a djivid’a ndavunagi teteu á le suma tazi djivid’a d’igi ndjuvuna na, kayam agi wagi lovota á hulong zla d’a ded’a mi sama lara ge pet.

1 Tasaloni’â 5:11

Kayam ndata, ar agi gigid’egi tagiya, agi minigi tagi akulo d’igi agi nga lagi na.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

1 Pierre 3:1

Agi aropma, agi gagi yagi kä ad’u andjuviyogiya, kayam suma dingâ adigazi suma a he nga gagazid’a yam zlad’a hAlonid’a d’uo na, a mba he gagazid’a yam tit magid’a bei agi dazi zlad’a,

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.