Efes-sâ 4:28 - Bible azumeina

²⁸ Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

Efes-sâ 4:28 Iomraidhean Croise

Wana ni mbaktumba hi Job-pa 34:32

ang tagan vama an wum nga d’uo na, an le sun nda ata yat tuo d’a, an dok ni le bugol luo d’a.

Buzuk ka Abud’a 20:15

Ar ang kul li.

Buzuk ka Abud’a 20:17

Ar ang le d’od’oka yam vama lara pî ma hi ndrangîna d’i, nala, gong mamba, d’oze amamba, d’oze azong mama, d’oze wei mamba, d’oze amuhl mama, d’oze koro mama.

Buzuk ka Abud’a 21:16

Le sana mi kul sana mi guzum mbei d’oze a vum ki sed’em abomu ni, mbeî agi tchum mbeyo.

Zla d’a d’ogolâ 13:11

Ndjondjoî d’a a fat ki mbut irid’a, mba d’i feyâ, wani sama nga mi tok ahlena ndendena, mba mi i avogovogo.

Zla d’a d’ogolâ 14:23

Sun nda lara ge pet wurak mata nga, wani zla d’a de d’a hawad’a ti mbangî ki meid’a.

Zla d’a d’ogolâ 21:26

Sama azulomba nga mi le d’od’oka burâ ki burâ yam ahlena hi sumina, wani sama d’ingêrâ nga mi he bei gigrita ba.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

Zla d’a d’ogolâ 30:9

Le an nde kur duzîd’a ni, dam an mba ni tin vunan ni dala: Ma didina ni nge ge kla. Le houd’a kal kanu ni, dam an mba ni kula, ni ngulung simiyêng ang Alo mana kla.

Zla d’a d’ogolâ 31:20

Ti nga d’i mat abot á hahlena mi suma hohoud’a, nga d’i mat abot á ndjun suma kid’aka mi.

Jeremi 7:9

Ni me na ge? Agi nga kulugiya, agi nga tchagi matna, agi nga lagi mizeuna, agi nga gunugi tagi ir gurzula, agi nga hagi dubang ma his djivid’ina mi Bäl, agi nga zlabagi kalo ma ding ma agi wum nga d’uo na.

Wana ni mbaktumba hi Oze-d’a 4:2

Arî gun tad’a, ka zlad’a ki mbut ira, arî tchi tad’a, kula, mizeuna ki murud’umba, a nga tchi matna kam kua kam kua mi.

Zakari 5:3

Mi dan kua ala: Mbaktum ndata ni vun ma ge ma mba mi ndja abom mbei yam andagad’a petna. A b’ir kurut ala a mba dik suma kula woi kur ambasa, a mba dik suma a gun tazi ir gurzulina woi mi.

Wana ni Zla d’a Djivi d’a Luc mi b’irita 19:8

Zake mi tchol akulo avok Salad’a, mi dum ala: Salana, gola! An nga ni wal ahle mana ki suma hohoud’a. Le an te va abo sa hawa ni, an hulong hum kam kua yan fid’i.

Wana ni Zla d’a Djivi d’a Luc mi b’irita 3:8

Agi lagi sun nda memeta á tak kei ala agi mbud’ugi wa hurugiya d’a. Ar agi dagi kurugi ala: Abraham nabumi ngolo na d’i, kayam an nga ni dagi woi mbak ala Alona mi ndak á mbut ahuniyô suma wana grona mi Abraham.

Jean 12:6

Mi de hina kayam mi le ni yam suma houd’a d’i, wani kayam mam mi sama kula, bid’im mba gurzud’a nga nabomu, nga mi kul bege d’a azi nga tchugut kura mi.

Jean 13:29

Kayam Judas ni sama bid’im mba gurzud’a nga aboma, suma hiuna a djib’er ala Jesus mi dum ala: Ang i guzî ahle suma ei minizi á vun tilîna, d’oze, Ang i he ni va mi suma hohoud’a kla ge.

Romê-na 12:13

Ar agi ndjunugi b’oziyogi suma a nga kur kid’akina. Ar agi lagi akoina ki furîd’a.

1 Korente-na 4:12

Ami nga kawami ki sunda á fe te mamina. Ata yima azi nga ngulumina, ami nga b’ami vuna kaziya. Ata yima azi nga djobomi vunamina, ami nga vami tamiya.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

2 Korente-na 8:2

Azi nga kur kuka ngola; hina pî, azi nga le furîd’a ngola. Azi ni suma houd’a pî, a he he d’a hawad’a ngola.

Galat-na 6:10

Kayam ndata, le ei fei yina ni, ar ei lei djivid’a mi suma pet, kal pet ni mi b’oziyoi suma a he gagazid’ina.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Wana ni mbaktum mba Paul mi b’irit mi Tit-ta 3:14

Ar sum meina a hat á le sun nda djivid’a teteu, kayam a fahle suma a kid’agazina, kayam tit mazid’a kak bei vuta d’i.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.