Efes-sâ 4:16 - Bible azumeina

¹⁶ Yam ad’enga hi Christ-sa, ir hliu tad’a pet nga d’i djak zlapa, sidei ma lara ge pet nga mi djik hliu tad’a pet zlapa mi. Hina, le ir hliu ta d’a lara ge pet nga d’i le sun mata ni, hliu ta ndata pet nga d’i wul akulo, nga d’i min tat akulo kur od’a mi.

Efes-sâ 4:16 Iomraidhean Croise

Jean 15:5

An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i.

Romê-na 12:4

Ei nga ki ir hliu tad’a ablaud’a kur hliu ma tuna, wani sun mazid’a nga ni tu d’i.

1 Korente-na 10:17

Kayam avungôna ni tu. Ei ablauna pî, ei ni hliu ma tuna, kayam ei tei navungô ma tu máma.

1 Korente-na 13:13

Ki tchetchemba, ahlena hindi a nga: Gagazi d’a hed’a, hur ma tinda ki od’a. Wani ma kalazi ki ngolina ni od’a.

1 Korente-na 8:1

Agi djobon yam ahle suma a ngad’azi buzuna mi fileinina. Ei pet wei ala: Ei nga ki wed’a. Wani wed’a nga d’i mbut sana yamba ad’enga, wani od’a nga d’i wuli nakulo kur he gagazid’a.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Efes-sâ 1:4

Mi manei zlapa tu ki Christ avok dei bei ad’u tinda hi duniyad’a, kayam ei kagei sum mama bei zlad’a kei ba avoromu.

Efes-sâ 3:17

Ar Christ mi kak kurugi yam he gagazi magid’a. Ar sideyegi mi sir kä, ad’ugi ti pe kä kur od’a

Efes-sâ 3:7

An mbut ma a sunuma á tchi wal Zla d’a Djivid’a yam sumad’a hAlonid’a. Kur djivi mamba mi han ad’eng mamba á le sunda.

Efes-sâ 4:12

Mi le na á mbut suma hAlonina memet á le sunda, á wul hliu tad’a hi Christ-sa akulo kur he gagazid’a,

Efes-sâ 4:15

Wani ei dei ni zla d’a gagazid’a ki od’a á wuli tei akulo kur ahlena pet yam Christ, mam ma ala ni yamba na.

Filip-ma 1:9

Vama an tchen Alona kagina ba wana: Ar o magid’a ti zul avogovok zlapa ki wed’a ki wad’ud’a pet mi,

Kolos-sâ 2:19

kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.

Kolos-sâ 2:2

kayam huruzi b’lengâ, kayam huruzi tchuk tu á le od’a mi. Hina wani, azi mba we ki ne d’a zul heîd’a, a we zla d’a mudurid’a hAlonid’a, nala, Christ.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

1 Tasaloni’â 3:12

Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Jean 4:16

Hina, ei wei od’a hAlona d’a mi lat keid’a. Kayam ndata, ei hei gagazid’a kad’u. Alona tamba ni od’a. Sama nga mi le od’ina, mi nga ni kaka zlapa tu kAlona, Alona mi nga kaka kurum mi.