Efes-sâ 1:6 - Bible azumeina

⁶ Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Efes-sâ 1:6 Iomraidhean Croise

Sawal la giled’a 22:20

Wani Ma didina, ar ang wal lei dei ki sed’en ndi; angî ad’eng manda, ang mbei atogo ndjununu.

Sawal la giled’a 60:5

Ang tak sum mangâ ndaka ngola. Kayam ndata, ami nga tchami tata abo ndaka d’igi suma a nga gurut ki sümina na.

Zla d’a d’ogolâ 16:4

Ma didina mi lahlena pet ni nga d’a yam va mbeî; sama asa’atna pî, mi lumî yam bur ma ndaka.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Isai 43:21

Suma an lazina a mba de woi yam subur manda.

Isai 61:11

Salad’a Ma didina mba mi deî suta ki giled’a avok andjaf suma pet d’igi andagad’a nga d’i deî ahlena na, d’igi asinena nga mi deî awu ma a nga zaramzi huruma na mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Jeremi 33:9

Azì ma ngol ma wana mba mi mbut ni vama tan lan djivid’a kama, vama giled’a, vama subura kan an aduk andjaf suma pet suma yam andagad’ina. Fata a hum zla d’a djivi d’a lara ge d’a an mba ni lazizid’a, a mba djib’er ngola, a mba le mandarâ yam djivi d’a lara ge d’a, yam i mazi d’a avogovoka mi.

Sunda hi suma hi Levi-nid’a 15:15

Ma ngat buzu máma mi he tu yam vama ngat buzu ma zlup yam tchod’a, mi he tu yam vama ngat buzu ma ngala, mi zlup yam tchod’a hi sa mámid’a avogon an Ma didina yam mbiyo ma mi djang atama.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 20:9

Suma mi hazi sunda kafata libina a mba, a fe sile tutu.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

Jean 10:17

Abun nga mi le kanu, kayamba an nga ni he tan ndei á matnid’a, an mba zlit tan akulo kua mi.

Jean 3:35

Abud’a nga mi le yam Goroma, mi hum ahlena pet abomu.

Romê-na 8:1

Ki tchetchemba, suma a nga zlap tu ki Jesus Christ-sâ, sariya nga kazi d’i.

2 Korente-na 4:15

Ahle ndazina pet a le ni kagiya, tala Alona mi ve suma sumad’a avogovok kayam suma a le mersi yam subura hAlonid’a kam kua kam kua d’a.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Efes-sâ 1:12

Kayam ndata, ei suma tini huri avok dei yam Christ-sâ, ar ei mbud’i ni suma a tak subura hAlonid’a woina.

Efes-sâ 1:14

Mam mi gapa hi sut mei d’a Alona mi hle vunam kat mi sum mamid’a, gak bur ma mam mba mi sud’ina. Kayam ndata, ar ei mbud’i ni suma a tak subura hAlonid’a woina.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Efes-sâ 2:7

Mi le hina á tak suma mam mba ngol la kal papad’a woi avok suma pet ata yima nga mbana, yam djivi mam mba mi ndeizi woi yam Jesus Christ-sa.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Filip-ma 3:9

á fan zlapa tu ki mamu. Ni yam d’ingêr manda á ge yan kä ad’u gata d’i, wani ni yam d’ingêr ra an he gagazid’a yam Christ-sa. Ni d’ingêr ra tcholï ata Alona yam he gagazid’id’a.

Filip-ma 4:19

Wani Alo mana mba mi hagi ahle mam suma ndjondjoî suma kal teglesâ yam kid’ak magi d’a yam Jesus Christ-sa.

Kolos-sâ 1:13

Ni Ma pad’ei woi kur leu d’a nduvunda hi Seitan-ndina, mi tini kur leud’a hi Gorom ma mam le kam heînid’a.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!