Efes-sâ 1:3 - Bible azumeina

³ Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Efes-sâ 1:3 Iomraidhean Croise

Ad’u Tinda 14:20

Ei suburi Alo ma sä akulo ma kal tegles ma hang mang suma djangûna abongâ. Abram mi hum vun ahlena pet suma mam hurumuzï ata yima ayînina, nala, dogo mam pad’am tu, dogo mam pad’am tu.

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

1 Sunda Hamuleinid’a 4:10

Jabes mi tchen Alona hi Israel-lîna ala: Le ang b’e vunang kanu, le ang mbud’un yi mana bubud’a, le ang ngomon kur ndaka tala an fe kid’eî ira d’uo d’a ni! ... Alona mi humum yam ahle suma mi djobozina mi.

2 Sunda Hamuleinid’a 31:8

Ezekiyas ki suma nglo suma sunda a mba gol mola hahle ndazinid’a, a le mersi mi Ma didina, a b’e vunazi yam mam suma Israel-lâ.

Nehemi 9:5

Bugola, suma hi Levi-na Josue, Kadamiyel, Bani, Hasapneya, Serebiya, Hodiya, Sebaniya ki Petahiya a dazi ki delezi akulo ala: Agi tchologi akulo! Ar agi gilegi Ma didina Alo magina kur atchogoid’a katchogoid’a gak didin. A de kua ala: Ar ami gileng simiyêng ma subur ma kal lei yam subura ki giled’a petna.

Sawal la giled’a 134:3

Ar Ma didin ma lakulod’a kandagad’ina, mi b’e vunam kagi ei kur Siyon!

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Isai 61:9

A mba wazi andjavazi aduk suma, a mba wazi grozi ngolona aduk suma mi. Suma pet suma a mba wazina a mba wala azi nandjaf ma Ma didina mi b’e vunam kama.

Daniel 4:34

Nebukanezar mi de kua ala: Bugol biza d’a kid’iziyad’a an hle iran akulo, djib’er manda ti mba. Ata yi máma an le Alo ma sä akulo ma kal teglesâ mersi, an gilemu, an subur mam ma bei matna ba ma nga mi te yamba gak didin ma nga mi te leud’a kur atchogoid’a katchogoid’ina.

Wana ni Zla d’a Djivi d’a Luc mi b’irita 2:28

Simeon mi hlum akulo hur abomu, mi subur Alona ala:

Jean 14:20

Kur bur máma agi mba wagi ala an nga kur Abunu, agi nga zlapa tu ki anu, an nga kurugi mi.

Jean 17:21

kayam azi pet a kak tu, d’igi ang Abun nga kuruna, an nga kurung na mi, kayam azi kak zlapa tu ki ei mi. Hina wani, suma duniyad’a a mba he gagazid’a ala ni ang ba sununïya.

Jean 20:17

Jesus mi dat ala: Ndak don ndi, kayam an djak nga gen Abun biya d’i, wani ndak i gen b’oziyona, ndak dazi ala an nga ni djak gen Abun mala nAbugiya na, gen Alo man mala nAlo magina na mi.

Romê-na 12:5

Ei ni hina mi. Le ei nablaud’a pî, ei ni hliu ma tuna zlapa tu ki Christ. Ei pet zlabei ata tei tu d’igi ir hliuna teteng kur hliu ma tuna na mi.

Romê-na 15:6

Ni hina ba, agi pet agi gilegi Alona Abu Saleina Jesus Christ ki djib’er ra tud’a ki vun ma tuna mi.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Korente-na 12:12

Hliu tad’a ni tu, wani ir hliu tad’a nablaud’a. Ir hliu tad’a tutu pet le nablaud’a pî, hliu tad’a ni tu. Christ ni hina mi.

2 Korente-na 1:3

Ar ei lei mersi mAlona, Abu Saleina Jesus Christ, Abui ma we hohowa sumina, ni Ma nga mi b’leng hur suma ata yima lara ge petna.

2 Korente-na 11:31

Alona Abu Salad’a Jesus ma suma a nga suburum simiyêm gak didina, mi wala an nga ni ka zla d’i.

2 Korente-na 5:17

Wani le sana nga zlapa tu ki Christ-zu ni, mam mi vama ge ma awilina; ahle suma adjeuna pet a kal wa woyo, ahlena pet a mbut wa awilid’a.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Galat-na 3:9

Kayam ndata, Abraham mi he gagazid’a, Alona mi b’e vunam kam mi. Hina, suma he gagazid’ina pet, Alona nga mi b’e vunam kazi d’igi mi b’e vunam yam Abraham na mi.

Efes-sâ 1:10

Ni nga hurâ hAlona ma mi ngam kurum á ndagam vunam ata yima dabid’a á tok ahlena pet suma sä akulona ki suma yam andagad’ina tu ad’u amul ma tuna, nala, Christ.

Efes-sâ 1:17

kayam Alona hi Saleina Jesus Christ Abui ma subura, mi hagi Muzuk mama á tagagi wad’ud’a á wum mbei tetet mi.

Efes-sâ 1:20

mba mi ndat tei yam Christ kid’a mi tcholom akulo aduk suma matna karid’a mi tinim á kak ata bigam mba ndjufa ata yima sä akulonid’a.

Efes-sâ 2:6

Mi zlabei tu ki Jesus Christ, mi tcholei akulo zlapa tu ki mam á kagei kur yima sä akulona.

Efes-sâ 3:10

wani ki tchetchemba, yam Toka, suma te yamba ki suma ad’eng suma sä akulona a we ne d’a tetenga hAlonid’a.

Efes-sâ 6:12

Kayam ei duri ayîna ni ki suma d’i, wani ni ki muzuk ma teteng ma tcho ma te yamba, ni ki muzuk ma teteng ma tcho ma ad’eng ma nga mi te yam duniya d’a nduvun nda wandina, ni ki muzuk ma teteng ma tcho ma nga aduk akulod’ina.

Filip-ma 2:11

ar suma pet a dala: Jesus Christ ni Salad’a mi, yam subura hAbum Alonid’a.

Hebre-na 8:5

Kayam suma a nga le sunda hahle ndazinina, ni vama taka yam angus vama akulona. Ata yima Moise mi nga mi min á ve zlub’ud’ina, Alona mi dum ala: Ang gol tang djivi ang lahle ndazina pet dedege d’igi an tagangzï akulo yam ahinad’a na.

Hebre-na 9:23

Mbeî a mbus ahle suma a hle tazi kahle suma akulona woi yed’et ni ki vama ngat buzu ma hina na. Wani a mbus ahle suma akulona tazid’a woi yed’et ni ki vama ngat buzu ma kal teglesâ.

1 Pierre 1:3

Ar ei gilei Alona Abu Saleina Jesus Christ yam we hohou mam mba ngola mi hei ari d’a awilid’a ata yima mi tchol Jesus Christ akulo aduk suma matnina. Ni Ma ari ma ei tini huri kama.