Efes-sâ 1:21 - Bible azumeina

²¹ Christ nga mi te yam suma te yamba pet, yam vun ma hed’a, yam suma ad’enga, yam suliyo d’a sud’a pepet ki simi ma lara ge pet ma a nga yuma, ni kur atchogoi d’a wanda hol li, wani kur ra nga d’i mbad’a mi.

Efes-sâ 1:21 Iomraidhean Croise

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Matiye 12:32

Sama nga ni lazan an Gor Sanina, Alona mba mi vat hurum mbei kamu, wani sama nga mi las Muzuk ma bei tchod’a ba nina, Alona mba mi vat hurum mbei kam kur atchogoi d’a wanda d’oze ta nga d’i mbad’a d’uo mi.

Sunda hi suma a sunuzinid’a 4:12

Suta nga ata sama ding ngi, kayam simi ma ding ma nga yam andagad’a ka hî ma Alona mi hum aduk suma mala ei fei ki suta atamu na, mi nga d’i.

Efes-sâ 2:2

Ata yi máma agi tid’igi ni kur lovot ta suma tcho suma duniyad’a a nga tit kua ad’u ad’enga hamulâ hi muzuk ma akulo kur simetnina. Ni muzuk ma nga mi le sunda ki tchetchemba kur suma bei hum vun Alona ba na.

Efes-sâ 3:10

wani ki tchetchemba, yam Toka, suma te yamba ki suma ad’eng suma sä akulona a we ne d’a tetenga hAlonid’a.

Efes-sâ 6:12

Kayam ei duri ayîna ni ki suma d’i, wani ni ki muzuk ma teteng ma tcho ma te yamba, ni ki muzuk ma teteng ma tcho ma ad’eng ma nga mi te yam duniya d’a nduvun nda wandina, ni ki muzuk ma teteng ma tcho ma nga aduk akulod’ina.

Kolos-sâ 2:10

Agi ndagagi wa memet ni yam mamu. Mam mi ma kal yam muzuk ma teteng ma te yamba ki muzuk ma teteng ma ad’engîna.

Kolos-sâ 2:15

Christ mi yo ahle suma dur ayîna hi muzuk ma teteng ma tcho ma te yamba ki muzuk ma teteng ma ad’eng ma sä akulona woyo, mi tagazi woi pid’ak ala mi kus kazi nakulo ata agu ma b’ala.

Hebre-na 1:4

Kayam ndata, mi mbut ma kal malaikana, kayam Alona mi hum simi ma ngol ma kalazi petna.

Hebre-na 2:5

Kayam andaga d’a nga d’i mba d’a ami nga dami kat wanda, Alona mi hat nga ad’u ad’enga hi malaikanid’a d’i.

Hebre-na 4:14

Ei nga ki ma ngol ma kal ma ngat buzu ma kal sä akulo avok Alonina. Ni Jesus, Alona Goroma. Kayam ndata, ar ei vei he gagazi meid’a ad’eng ngingring.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.