Efes-sâ 1:14 - Bible azumeina

¹⁴ Mam mi gapa hi sut mei d’a Alona mi hle vunam kat mi sum mamid’a, gak bur ma mam mba mi sud’ina. Kayam ndata, ar ei mbud’i ni suma a tak subura hAlonid’a woina.

Efes-sâ 1:14 Iomraidhean Croise

Sawal la giled’a 74:2

Ang djib’er yam mang suma ang guzuzi adjeu dedeina, ang djib’er yam andjaf sumala ni mang suma ang hlazi djona na, ang djib’er yam Siyon ndala ni yi mang ma kaka d’a.

Sawal la giled’a 78:54

Mi i ki sed’ezi yam andaga mam mba mi tinit irat vata, yam ahina mam mba mam hlat kad’eng mambid’a.

Wana ni Zla d’a Djivi d’a Luc mi b’irita 21:28

Wani fata ahle ndazina a tin ad’ud’a á led’id’a, agi gologi iragi akulo, kayam sut magid’a ti mba wa go.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

Sunda hi suma a sunuzinid’a 20:32

Ki tchetchemba, an aragi abo Alona, kur suma mam mba nga kad’enga á minigi akulo á hagi ahle suma djivi suma mam nga mi ngomozi akulo yam suma mi tinizi irazi vazina.

Romê-na 8:23

Ni kayam azi hol li, wani ei suma nga ki Muzu’â hAlonina d’igi he d’a hawa d’a avoka hAlonid’a na na, ei nga zamei tei kuri krovo á djubi pat ta Alona mba mi pad’eï ei groma woi kur hliwid’a.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

2 Korente-na 1:22

Mi kei geuna ki simiyêmu, mi hei Muzuk mama kuri d’igi vama gap ma djivi ma mam nga mi ngomom keina na mi.

2 Korente-na 5:5

Mam ma minimi yam ahle ndazinina nAlona. Mi hami Muzuk mama d’igi vama gapa na yam ahlena pet mam Alona nga mi ngomozi kamina.

Galat-na 4:6

Kayam agi mbud’ugi groma, kayam ndata, Alona mi sunï Muzu’â hi Goromina kuri ma nga mi zud’i á yi ala Aba, nala, Abunu.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Efes-sâ 1:12

Kayam ndata, ei suma tini huri avok dei yam Christ-sâ, ar ei mbud’i ni suma a tak subura hAlonid’a woina.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.