Efes-sâ 1:11 - Bible azumeina

¹¹ Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Efes-sâ 1:11 Iomraidhean Croise

Wana ni mbaktumba hi Job-pa 12:13

Ned’a ki sib’ika a fazi nata Alona, d’ala ki wad’ud’a a fazi natam mam mi.

Wana ni mbaktumba hi Job-pa 33:29

Wan pet nahle suma Alona mi lazi yam mbà yam hindi ki sana

Sawal la giled’a 37:18

Ma didina mi we kaka hi suma iratnid’a ka hî yam andagad’a; a mba te djona gak didin.

Zla d’a d’ogolâ 8:14

D’alâ ki zla d’a irata a ni mana, an ni wad’ud’a, ad’enga ni manda.

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 28:29

Zla ndata ti tcholï nata Ma didin ma ad’engêm kal petna; d’al mama ni vama atchapma, we mamba ti kal ngola mi.

Isai 5:19

Sum ndazina a nga dala: Ar Ma didina mi le sun mamba atogo kayam ei wad’u, ar Ma tin tam irat vat yei Israel-lîna mi mbeï ki nga hur máma, mi ndagam vunam kayam ei weiziya.

Jeremi 23:18

Wani ni nge adigazi ba, mi kak ata yima an nga ni de d’alîna ge? Ni nge ba, mi we d’oze mi hum zla d’a an Ma didina ni data ge? Ni nge ba, mi tin humam mi hum zla manda mi wat ad’ut djivid’a ge?

Jeremi 32:19

Angî ma ngolâ kur d’alâ, ma ad’engâ kur sunda mi. Ang irang nga tinda yam tita hi sumid’a á wurak nge nge pî yam tit mamba, yam sun mam mba mi lata mi.

Zakari 6:13

Mba mi min gong man nda kud’ora akulo, mba mi tchuk ahle suma subura atamu, mba mi kak yam zlam mam mba amula á tamula. Ma ngat buzuna tu mba mi tchol gevemu, azi djak darigï d’a gagazid’a mba d’i kak adigaziya.

Sunda hi suma a sunuzinid’a 13:48

Ata yima andjaf suma dingâ a hum zla ndatina, a le furîd’a ngola, a subur zlad’a hAlonid’a. Suma pet suma Alona mi ngazi yam ari d’a didindina, a he gagazid’a mi.

Sunda hi suma a sunuzinid’a 2:23

Mam mi sama agi hum mbei abo suma tchona. A tchum ata agu ma b’ala d’igi Alo ma wahlena petna mi nga hurum kam avok dei na.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Sunda hi suma a sunuzinid’a 20:32

Ki tchetchemba, an aragi abo Alona, kur suma mam mba nga kad’enga á minigi akulo á hagi ahle suma djivi suma mam nga mi ngomozi akulo yam suma mi tinizi irazi vazina.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.

Romê-na 11:34

D’igi mbaktumba hAlonid’a ti de na ala: Ni nge ba, mi we djib’era hi Ma didinid’a ge? Ni nge ba, mi ndak á dum d’alâ ge?

Romê-na 8:17

Ei nAlona groma. Hina wani, mba mi hei ahle suma djivi suma mi hle vunam kazi mi sum mamina zlapa tu ki Christ mi. Le ei nga fei ndaka zlapa ki Christ-zu ni, Alona mba mi suburi zlapa ki mam mi.

Romê-na 8:28

Ei wei ala kur ahlena pet Alona nga mi le sun nda djivid’a yam suma a nga le kam suma mi yazi woi kur min mambina.

Romê-na 8:29

Kayam suma Alona mi manazi avok deina, mi nga hurum avok á mbud’uzi d’igi Goroma na, kayam Goroma mi ka’î Ma avo’â aduk b’oziyoma ablaud’a.

Romê-na 8:30

Suma mi ngazi kurum avok deina, mi yaziya; suma mi yazina, mi mbud’uzi suma d’ingêrâ avoromu; suma mi mbud’uzi d’ingêrâ, mi suburuzi mi.

Romê-na 9:11

Kid’a grotna a nga bei vuta tua d’a, Alona mi de mi Rebeka ala: Ma ngolâ mba mi ge yam kä ad’u ma gorâ. Mi dat hina navok bei azi le vama djivina d’oze ma tchona tua, kayam nga hurâ hAlona ma yam suma mi manazinina ndak memet. Hina, nga nata sun nda led’a d’i, wani nata Alo ma yazina.

Galat-na 3:18

Wani le sana mi fe he d’a hawad’a hAlona d’a d’igi vama djona hina d’a ni yam tit ta nga mi tit yam gatid’a ni, nga ni yam vun ma hled’a hAlonina d’uo d’a. Wani Alona tak suma mamba mi Abraham ni yam vun mam ma hled’a.

Efes-sâ 1:14

Mam mi gapa hi sut mei d’a Alona mi hle vunam kat mi sum mamid’a, gak bur ma mam mba mi sud’ina. Kayam ndata, ar ei mbud’i ni suma a tak subura hAlonid’a woina.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Efes-sâ 1:5

Ni yam o mamba ba, mi nga hurum avok dei á mbud’i groma zlapa tu ki Jesus Christ. Ni kur min mamba á lum tam djivid’a.

Efes-sâ 1:8

la mi lat kei heîd’a. Mi tagei ned’a ki wad’ud’a pet mi.

Efes-sâ 1:9

Kayam ndata, mi tagei zla d’a mudurid’a hi min mam mba mi ngat kurum avok dei á ndagat memet yam Christ-sa.

Efes-sâ 3:11

Alona mi le hina kayam nga hur mam ma avok deina mi ndak memet yam Saleina Jesus Christ.

Gat ta a hat á mbàd’id’a 4:20

Wani agiya, Ma didina mi yogi mi buzugugï woi kur aku d’a für ra kaweina hi Ezipte-nid’a kayambala agi kagagi ni sum mama d’igi agi nga ini na d’a.

Kolos-sâ 1:12

Ar agi lagi mersi mAbui Alona ki furîd’a, ni mam ma mi hagi ad’enga á fagi ahle mam suma djivina zlapa tu ki mam suma mi tinizi irazi vazi kur b’o mambina.

Kolos-sâ 3:24

Kayam agi wagi ala mam mba mi wuragagi kahle suma mam nga mi ngomozi yam sum mamina, kayam Salagi ma gagazi ma agi nga lum sundina ni Christ.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Wana ni mbaktum mba Paul mi b’irit mi Tit-ta 3:7

Ni kayam suma mamba ba, mi mbud’i suma d’ingêrâ avoromu, kayam ei fei ari d’a didin nda ei tini huri kata.

Hebre-na 6:17

Alona mi min tak min mamba woi mi suma a mba ve vama mi hlazi vunam kam ma bei mbutina. Hina, mi gunuzi tam mi.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Pierre 1:4

Ar ei lei furîd’a yam vama djo ma Alona nga mi ngomom sä akulo yam sum mamina. Ni vama djo ma ndak á b’lak keina d’i, ni ma bei ndjendjed’a, ni ma wile mamba nga d’i dap puo na, ni ma Alona sä mi ngomom akulo kagina.

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.