Daniel 9:21 - Bible azumeina

²¹ Kid’a an nga ni de zlad’a abon keid’a, an we Gabriel ma an wum avok ata yima vana nde tam mbei irana, mi pirï atogo zak, mi mba geven ki fladege d’a suma a he he d’a hawad’id’a.

Daniel 9:21 Iomraidhean Croise

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

1 Amuleina 18:36

Kur ler ra fladege d’a suma a hahle suma ngat buzuna mAlona kuad’a ndaka, ma djok vun Alona Elie mi hut gen yima ngal ahle suma ngat buzuna, mi dala: Ma didina, Alona hi Abraham-ma, Alona hi Isa’â, Alona hi Jakob-ma, ar ang tak Israel-lâ ini ala angî Alo mazina, an nazong mangâ, a wala an lahlena pet ni yam vun mang ma hed’a mi.

Sawal la giled’a 103:20

Agi malaikana hi Ma didina suma ad’eng suma kal papa suma nga lagi sunda yam zla mamba suma nga gagi yagi kä ad’u zla mam mba ded’ina, agi gilemu!

Sawal la giled’a 104:4

Ang mbut simetna ni d’igi sama ang sunuma na, ang mbut sin akud’a ni d’igi sama lang sundina na mi.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Buzuk ka Abud’a 29:39

Ang he yorogo tu, fladege tu mi.

Isai 6:2

Serafêna a nga tchola kam akulo. Ma lara pî, mi nga ki gigingâ karagaya karagaya, mbà á zlup iraziya, mbà á zlup aseziya, mbà á pir ki mi.

Ezekiyel 1:11

Wana ni iraziya. Gigingâzi ma mbà hina irambi ni sumota akulo. Nge nge pî gigingâm ma mbà hina mi ni tinda avun tam tata, ma mbà hina ni ma zlup ki tazina.

Ezekiyel 1:14

Ahle suma ari ndazina a nga ringâ, a nga hulongî atogo zak d’igi wiled’a halonid’a na.

Ezekiyel 14:14

le suma a nga kur ambas ndata hindi d’igi Noe ki Danel ki Job na pî, a mba sut tei ni yam d’ingêr mazid’a hol. An Salad’a Ma didina ni de na.

Daniel 10:10

Ata yi máma abo sana mi donu, mi tcholon akulo ki guguvan kabonu, wani an nga ni zlak tua.

Daniel 10:16

An gol sama dingâ mi hle tam d’igi sana na, mi don vunanu. Vunan mi hulong mal leyo, an de mi sama nga tchola vorona ala: Salana, ni kayam vama nde tam mbei irana ba, djib’er manda b’lak ngola, ad’engên nga d’uo wana.

Daniel 10:18

Ata yi máma hina wat ma mi hle tam d’igi sana na na mi don vunan kua, mi han ad’enga.

Daniel 8:16

An hum del sana kur alum ma Ulai-na, mi er ad’um akulo ala: Gabriel, ang tagam ad’u vama nde tam mbei iram máma.

Daniel 8:18

Ata yima mam nga mi dan zlad’ina, an iran ni kulupa kä andaga, djib’eren ti b’lak ngola. Mi van mi tcholon akulo ata yima an nga kuana.

Matiye 27:46

Go kafat ta tchuk siyata, Jesus mi er ad’um akulo ki delem mba ngola ala: Eli, Eli, lama sabaktani? Nala: Alo mana, Alo mana, ni kayam me ba, ang aran ndei ge?

Wana ni Zla d’a Djivi d’a Luc mi b’irita 1:19

Wani malaikana mi hulong dum ala: An ni Gabriel ma nga tchola avok Alona á lum sundina. Mi sununï á dang zlad’a, á mbang zla d’a djivi ndata mi.

Wana ni Zla d’a Djivi d’a Luc mi b’irita 1:26

Kur til ma karagayana, Alona mi sunï malaikana Gabriel kur azì ma ngol ma Galile ma a yum ala Nazarat na.

Sunda hi suma a sunuzinid’a 10:3

Ki fladege d’a afata tchuk siyata, mi we malaikana hAlonina mi nde tam mbei iramu. Mi kal gevemu, mi dum ala: Kornei.

Sunda hi suma a sunuzinid’a 10:9

Tcha ndjivinda, kid’a azi nga kur lovota tua, a mbaza go huyok azì ma ngolîd’a, Pierre mi djak nga yam gonga akulo ki falei d’ad’ar á tchen Alona.

Sunda hi suma a sunuzinid’a 12:7

Ata yi máma, malaikana hi Salad’ina mi nde tam mbei gen Pierre, b’od’a b’o kur gong nga dangeina. Mi tum Pierre fefed’emu, mi zlid’im akulo, mi dum ala: Ang tchol akulo atogo. Kindjing ma aboma mi tchuk kä.

Sunda hi suma a sunuzinid’a 3:1

Pierre azi ki Jean a nga i kur gong nga kud’ora hAlonid’a ki fladege d’a afata tchuk siyata á tchen Alona.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Hebre-na 1:7

Wani Alona mi de yam malaikana ala: Mam mbud’uzi simetna, mi mbut suma lum sundina sin akud’a mi.

Vama ndum mbeina 9:17

Ata yima vana nde tam mbei irana, an we akulumeina ki suma a nga kazina, azi nga ki kongrong ma hleuna d’igi akud’a na, botlozid’a d’igi safira na, grumgrum d’igi sufred’a na. Yam akulumei ndazina ni d’igi yam azlona na. Akud’a nga d’i buzuk kei avunazi kandosâ d’igi andosâ hi sufred’ina na.