Daniel 8:23 - Bible azumeina

²³ Fata leu mazi d’a ted’a lá dapa suma le tchod’a a oî vun tcho mazi d’a led’id’a, ata yi máma amul ma suluk ma wad’u zla d’a mudurid’a mba mi tchola.

Daniel 8:23 Iomraidhean Croise

Ad’u Tinda 15:16

Kur atchogoi d’a fid’id’a azi a mba hulongî ka hî, kayam tcho d’a suma Amor-râ a lata nga bei ndak tua tala an mba ni digizi woyo d’a.

Zla d’a d’ogolâ 1:6

Mi nga mi tak lovota á wäd’u d’ogolâ ki zla d’a ngad’a ki zla d’a mudurid’a hi suma ned’id’a ki zla mazi d’a tetenga mi.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Daniel 11:21

Sama suma a golom isâ mba mi vrak blangâm bei sa mi tchugum baru d’a amula atam ba. Mam mba mi mba ata yima suma a nga kaka tchugotna, mba mi hle leud’a ki mbut ira.

Daniel 11:24

Ata yima suma a nga kaka tchugotna, mba mi i avok kur andaga d’a djivi d’a kur leud’id’a, mba mi le vama abuyom kabuyom ngolo a lum nga d’uo na, mba mi hurum ahle suma kur ambasina, mba mi b’rau ahle suma mi hurumuzïna ki ndjondjoîd’a mi suma ad’uma, mba mi nga hurum á ndazì ma ad’eng ma ngunguna durâ mi. Hina pet pî, mba mi i dei d’i.

Daniel 7:11

Ata yima an nga ni gol tua na, nga ni djib’er yam zla d’a subur tad’a hadif ma gor mámid’a. Kid’a an nga ni gol tua d’a, a tchi ambur ma fid’i máma, a kizagam hliwim mbeyo, a tchugum aku ngala.

Daniel 7:20

An hal wad’ud’a yam aduvei suma dogo suma a nga kama, yam adif ma gor ma deî adigazi ma mi tchuk suma hindina kä woi avorom ma nga ki ira ma zla d’a de d’a subur tad’a ndavunam ma mi kal ndrom suma dingâ petna mi.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Daniel 7:8

Ata yima an nga ni sizar aduvei ndazina tua na, an gol wani, adif ma ding ma gorâ, mi deî aduk aduvei ndazina. Mi pat aduvei suma avo’â woi avorom hindi. An gola, adif máma mi nga ki ira d’igi ir sana na, zla d’a subur tad’a nga d’i buzuk avunam mi.

Daniel 8:22

Adif ma fid’i ma mi vrak balum ma mi kus seina ni leu d’a fid’i d’a mba d’i tchol aduk andjaf mamid’a. Wani ad’eng mata mba d’i ndak ki mamba d’i.

Daniel 8:24

Sib’ik mamba mba d’i i avogovogo, wani nga ni kad’eng mamba tata d’i. Mba mi b’lak ahlena b’lak ka atchapa, mba mi i gak mi dap suma sib’ika ki suma a tinizi irazi vazina tazid’a woi mi.

Daniel 8:25

Ki lem mamba mba mi i avogovok ki mbut ir mamba, mba mi hle yam akulo, mba mi b’lak suma a nga kaka tchugotna woi ablaud’a, mba mi tchol djangûna kamulâ hamuleinina. Wani mba mi kus sei bei sa mi tin abom atam ba.

Ndumba 24:24

Wani batod’a mba d’i tcholï kur til la Kitim-mba, suma kurutna a mba hulong suma Asiri-na yazi kä, a mba hulong yam andjafâ hi Heber-râ kä mi, wani suma kur bato ndatina a mba b’lak kei mi.

Matiye 23:32

Hina, agi nga ndagagi vun sun nda ar abo abuyogi ngolod’a.

Gat ta a hat á mbàd’id’a 28:50

Ni suma irazi ti d’us hina gugurup suma a nga ge yazi kä avok momorogeina d’uo suma a nga we hohowa gogor ruo mi na.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.