Daniel 8:19 - Bible azumeina

¹⁹ Bugola, mi dan ala: An nga ni tagang vama nga mi mba ata yima a ngama, ata yima ayîna hAlonina mba mi dapma.

Daniel 8:19 Iomraidhean Croise

Sawal la giled’a 102:13

Wani Ma didina, ang namul ma nga kaka gak didina, ang nAlo ma nga kur atchogoi d’a lara ge petna.

Daniel 11:27

Amulei suma mbà ndazina a mba kak avun tabul ma tuna, a mba nga huruzi á le zla d’a tchod’a, a mba de tazi ni zla d’a kad’a. Wani azi mba ndak ki, kayam yima a ngama mba nga d’uo tua.

Daniel 12:4

Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Daniel 8:23

Fata leu mazi d’a ted’a lá dapa suma le tchod’a a oî vun tcho mazi d’a led’id’a, ata yi máma amul ma suluk ma wad’u zla d’a mudurid’a mba mi tchola.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Wana ni Zla d’a Djivi d’a Luc mi b’irita 21:23

Kur bur máma suma a mba dala ni zla d’a hohoud’a yam arop suma wirâ karop suma a nga ki grona abozina. Kayam ndak ka ngola mba d’i mba yam andaga mazid’a, ayîna hAlonina mba mi mba kazi mi.

Vama ndum mbeina 1:1

Mbaktum mba wanda ti ta’î ahle suma Jesus Christ mi ndazi woina. Nahle suma Alona mi humzi mi tagazi woi mazungeî mam suma sunda vama ar go á mbad’ina. Nahle suma Christ mi sun malaika mama á tagazi woi mazong mama Jean-na.

Vama ndum mbeina 10:7

Wani bur ma malaika ma kid’iziyana mba mi bu adif mambina, ata yi máma, Alona mba mi ndak vun nga hur mam ma mudurina d’igi mi de mazungeî mam suma djok vuna na.

Vama ndum mbeina 11:18

Andjaf suma a nga ki hur ma zala. Wani yina mba wa á tak ayî mangâ woyo, á ka sariyad’a yam suma matna, á wurak magumei mang suma djok vuna ki mang suma pet suma a nga lang mandarangâ, suma nglona ki gugureina, á b’lak suma a b’lak andagad’ina woi mi.

Vama ndum mbeina 15:1

An we vama simat ma ding ma ngol ma atchapma sä akulo. Malaikana kid’iziya a nga ki tugud’ei d’a tchod’a kid’iziya aboziya. Ni tugud’ei d’a tcho d’a danan nda dap vun ayîna hAlonid’a.

Vama ndum mbeina 17:17

Kayam Alona mi hazi djib’er ndata kuruzi á le min mamba, á ndjak vunazi tu, á hamul mazid’a mambur máma, gak zlad’a hAlonid’a ti ndak memet.