Daniel 7:1 - Bible azumeina

¹ Kur biza d’a avok ka Baltazar amul ma Babilon-na nga mi tamulid’a, adïd’a de Daniel, vana nde tam mbei iram ata yima mi nga burâ yam azang mamina. Bugola, mi b’ir zlad’a hadï ndatid’a, mi väd’u zla mat ta nglod’a woi mi.

Daniel 7:1 Iomraidhean Croise

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Ad’u Tinda 46:2

Kur andjege ndata Alona mi nde tam ir Israel, mi yum ala: Jakob! Jakob! Jakob humum ala: An huma!

Wana ni mbaktumba hi Job-pa 4:13

Kur djib’er manda vana nde tam mbei iran kur andjeged’a ata yima suma a bur sena sisi’â.

Isai 30:8

Ma didina mi de mi Isai ala: Ki tchetchemba ang i b’ir ahle ndazina kä kur ahina d’a tchet ta bebed’ed’a kä iraziya, ang b’irizi kä yam mbaktumba, kayam zla ndata ti arî vama ge humba gak bur ma danana á le glangâsâ gak didin bei dabid’a.

Isai 8:1

Ma didina mi dan ala: Ang hlahina d’a tchet ta bebed’e d’a ngola, ang b’ir kua djivid’a tetet ala: I atogo á hurumba, b’at atogo á yo ahle suma a yozina.

Jeremi 23:28

Ma didina mi dala: Ma djok vun ma adïd’a duma, ar mi ve nad’u adï mamba hol! Wani ma mi nga ki zla mandina, ar mi dat tei ata lovod’od’u! Ar agi ndjagagi asuna ki ir awuna d’i!

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 36:32

Jeremi mi hle mbaktum mba d’ut ta dinga, mi hat mi Baruk ma b’ir mbaktumba Neriya goroma. Baruk mi b’ir zla d’a Jeremi mi dumzi ki yam mbà mi b’irit kä kur mbaktum mba Jojakim amul ma Juda-na mi ngalat teid’a, mi b’ir zla d’a ding nga hle tat d’igi ndat hina d’a kam kua mi.

Jeremi 36:4

Jeremi mi yi Baruk Neriya goroma, mi dum zla d’a Ma didina mi dumzid’a ki yam pet, Baruk mi b’irit kä kur mbaktum mba d’uta pet mi.

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Ezekiyel 40:2

Ata yi máma vana nde tam mbei iran mi hlan mi in yam andaga d’a Israel-la sä hî, mi tinin kä yam ahina d’a fiyaka ka ked’iwurenga. Ata abot ma sutna an we gongîyona a nga minda teteng d’igi azì ma ngolâ na.

Daniel 1:17

Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Daniel 2:1

Kur biza d’a mbà d’a Nebukanezar nga mi tamulid’a, adïd’a dumu. Djib’er mamba b’lak ngola, nga mi fe lovota á bur sena d’i.

Daniel 2:26

Amulâ mi de mi Daniel ma a yum ala Beltasar-râ ala: Na ni ang ndak á dan ndei yam adï d’a danda á vandji ad’ut tei mi zu?

Daniel 4:13

Vama nde tam mbei iran kur muzugana ba wana: Ata yima an nga burâ yam azang manina, an we malaika ma ndjola mi tcholï akulo mi tchugï asem kä,

Daniel 4:5

adïd’a danu. Ti mbud’un mandarâ, an djib’er ngola yam azang mana, vana nde tam mbei iran kur muzuganu, vunadigan ndi pat fek mi.

Daniel 5:1

Bur tu amulâ Baltazar mi le te ma ngolâ mi mam suma nglo suma te yamba tazi dubu, mi he tam á tche süm guguzlud’a avoroziya.

Daniel 5:22

Wani ang Baltazar, Nebukanezar goroma, ang wahle ndazina woi tetet, wani ang hulong nga yang kä d’i.

Daniel 5:30

Kur andjege ndata, a tchi Baltazar amul ma Babilon-na woyo.

Daniel 7:13

Kid’a an nga ni gol vama nde tam mbei iran andjegena tua d’a, an gol wani, sana nga mi djï yam dugula d’igi gor sana na, mi mba, mi hut gen ma abizei ma dedei máma, a mbamzi avoromu.

Daniel 7:15

Daniel mi de kua ala: Muzugan mi b’lak ngola kurun krovo kayam vama a ndum mbei iran máma mi mbud’un mandarâ heî.

Daniel 7:7

Bugola, an nga ni gol kur vama nde tam mbei iran kur andjeged’a tua na, an gol wani, ambur ma fid’ina, mi kal tchod’a ngola, ni vama mandarâ, ma ad’enga ngola heî mi. Siyamî nglod’a d’igi kaweina na. Mi mut ahlena, mi kizagazi woyo, mi miret ad’uzi d’a ara kä kasemu. Mi nga d’igi amburei suma avok ndazina na d’i, mi nga kaduveina dogo kam mi.

Daniel 8:1

Kur biza d’a hindi d’a Baltazar nga mi tamulid’a, vana nde tam mbei iran an Daniel bugol ma mi nde tam mbei iran avo’â.

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Amos 3:7

Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Habakuk 2:2

Ma didina mi hulong dan ala: Ang b’ir zla d’a an nga ni tagangzi woi wanda; ang b’irit kur agu ma tcheta, kayam suma a ndumut atogo zak.

Ndumba 12:6

Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

2 Korente-na 12:1

Djivid’a an subur tan mi, wani subur tad’a djivi mata nga d’i. Wani ki tchetchemba, an nga ni de ni yam vama Salad’a mi nde tam iran mi tagandji woina.

Vama ndum mbeina 1:19

Kayam ndata, ang b’ir ahle suma ang wazina, nala, ahle suma a nga na kahle suma a nga mbeï bugolâ mi.

Vama ndum mbeina 10:4

Ata yima an hum breî d’a kid’iziyad’a halonid’ina, an min ala ni b’ir ahle ndazina. Wani an hum del la tcholï akulod’a ti dan ala: Ang ve breî d’a kid’iziya ndata kurungû, ang b’irit ti.