Daniel 6:28 - Bible azumeina

²⁸ Bugol ahle ndazina, Daniel mi i avogovok kur atchogoi d’a Dariyus nga mi tamulid’a. Bugola, mi i avogovok kur atchogoi d’a Sirus amul ma Perse-na nga mi tamulid’a mi.

Daniel 6:28 Iomraidhean Croise

2 Sunda Hamuleinid’a 36:22

Kur biza d’a avok ka Sirus amul ma Perse-na nga mi tamulid’a, Ma didina mi min á ndak vun zla d’a mi dat avun ma djogom vunama Jeremi-d’a, mi zut Sirus amul ma Perse-na mi tchi wala ki delem akulo kur leu mamba, mi b’ir kur mbaktumba ala:

2 Sunda Hamuleinid’a 36:23

Gola! Vama an amul ma Perse-na duma ba wana: Ma didina Alo ma akulona mi han leud’a yam andagad’a pet, mi han vuna ala an minim gong nga kud’ora avo Jerusalem yam andaga d’a Juda-d’a. Suma pet suma a nga adigagi suma ala ni sum mama na, ar azi hulong avo Jerusalem. Ar Ma didina Alo mazina mi kak ki sed’eziya.

Sawal la giled’a 77:15

Angî Alo ma lahle suma atchapmina, ang tak sib’ik manga woi aduk andjaf suma dingâ mi.

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Jeremi 32:20

Ang nde kahle suma yoyouna kahle suma atchapma woi yam andaga d’a Ezipte-d’a gak ini. Aduk Israel-lâ, aduk suma dingâ mi, ang he simiyêng ngola gak ini.

Daniel 1:21

Daniel mi le sunda mamuleina gak mba kur biza d’a avok ka Sirus nga mi tamulid’a.

Daniel 10:1

Kur biza d’a hindi d’a Sirus amul ma Perse-na nga mi tamulid’a, a ndäd’u zlad’a woi mi Daniel ma a yum ala Beltasar-râ. Zla ndata ni zla d’a gagazid’a. A dum ala: Ayî ma ngolâ nga mi mba. Daniel mi ve zla ndata, mi wäd’u vama nde tam mbei irama mi.

Daniel 3:29

Wana ni vun man ma he ma an hum ki tchetchembina: Sama lara ma aduk suma d’oze ma aduk andjaf suma d’oze ma ad’u vun ma ded’a teteng ma mi de zla d’a tchod’a yam Alona hi Sadra’â yam Alona hi Mesa’â yam Alona hi Aben-Nego-nina, ar a kizagam mbeyo, ar aziyam mi mbut djona! Kayam alo ma ding ma ndak á prut sana woi d’igi Alo mazina na na nga d’i.

Daniel 5:28

PERES ad’ut nala Wala: Leu manga a walat kä mbà á he abo tu mi suma Mede-na, abo tu mi suma Perse-na mi.