Daniel 4:26 - Bible azumeina

²⁶ Vun ma he mala a aram abuwam ki sideyem kä na, ad’um ba wana: Nala, leu manga mba d’i ar kä gak bur ma ang mba wala ma te yamba mi sä nakulona.

Daniel 4:26 Iomraidhean Croise

Daniel 2:18

mi tchenezi á tchen Alo ma sä akulona yam suma mamba tala mi wazi hohowozi mi tagazi adï d’a gumun ndata, kayam a tchazi woi zlapa ki suma ne suma ding suma kur Babilon-na d’uo d’a.

Daniel 2:19

Kur andjeged’a Alona mi tak Daniel vama gumun máma kur vama nde tam mbei irama. Ata yi máma Daniel mi le Alo ma sä akulona mersi,

Daniel 2:37

Amulâ, angî ma kal amuleina petna! Alo ma sä akulona mi tining amula, mi hang ad’enga ki sib’ika ki subura mi.

Daniel 4:15

Wani agi aragi abuwam ki sideyem kä andaga aduk asu ma abageina. Agi djinim ki kindjing ma kawei ma wurana ki ma kawei ma hleuna kä abagei aduk asuna. Ar mbad’ï d’a akulod’a ti gumu, ar mi tasuna d’igi ahle suma abageina na.

Daniel 4:23

Ang amulâ, ang we malaika ma ndjola mi tcholï akulo mi tchugï asem kä mi dala: Agi kagi agu máma kä woyo, agi kizagam mbeyo, wani agi aram abuwam ki sideyem kä andaga, agi djinim ki kindjing ma kawei ma wurana ki ma kawei ma hleuna kä abagei aduk asuna. Ar mbad’ï d’a akulod’a ti gumu, ar mi tasuna d’igi ahle suma abageina na gak bizad’a kid’iziya.

Daniel 4:31

Ata yima amulâ nga mi de zla ndata tua na, dela ti tcholï akulo, ti dum ala: Amulâ Nebukanezar, ang huma! A hle wa leu manga woi abong da’!

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Daniel 5:20

Wani ata yima mi hle yam akulo mi b’al hurum ad’enga kiki gak mi de zla d’a subur tad’ina, a zud’um kä woi yam zlam mam mba amula, a pat subur mamba woi mi.

Daniel 5:21

A digim mbei aduk suma, djib’er mamba ti mbut d’igi djib’era hahle suma abageinid’a na. Mi kak aduk koro ma abageina, mi tasuna d’igi amuzleina na, mbad’ï d’a akulod’a ti gumu, gak mi wala Alo ma kal teglesâ nga mi te yam leu d’a yam andagad’id’a pet, nga mi tin sama mam hurum minima amula.

Matiye 21:20

Kid’a suma hata a we hina d’a, a le atchap, a djop Jesus ala: Ni nana ba, tulum máma mi so woi atogo hina zak ke?

Matiye 5:34

Wani an nga ni dagiya, agi gunugi tagi ki va tu d’i. Agi gunugi tagi kakulod’a d’i, kayam ndat ni zlam mba amula hAlonid’a,

Wana ni Zla d’a Djivi d’a Luc mi b’irita 15:18

An mba ni tchola, ni i gen abunu, ni dum ala: Abunu, an le tchod’a avok Alona, avogong ang mi.

Wana ni Zla d’a Djivi d’a Luc mi b’irita 15:21

Goroma mi dum ala: Abunu, an le tchod’a avok Alona, avogong ang mi, an ndak nga d’ala ang yan gorongâ d’a d’i.