Daniel 2:28 - Bible azumeina

²⁸ Wani Alo ma akulona ni ma nde ad’u ahle suma mudurina woi abuna. Ni mam ba, mba mi tagang ad’u ahle suma a mba le kur atchogoi d’a mba d’i mbad’ina. Adï d’a danga kahle suma a nde tazi woi irang yam azang mangîna ba wana:

Daniel 2:28 Iomraidhean Croise

Ad’u Tinda 40:8

Azi hulong dum ala: Ami nge nge pî adïd’a dumu, sama ka hî ma vamizi ad’utna nga d’i. Josef mi hulong dazi ala: NAlona ba, mi ndak á vad’ud’a d’uo zu? Agi van ni ad’u adï magid’a.

Ad’u Tinda 41:16

Josef mi hulong dum ala: Nga ni an ndi; nAlona ba, mba mi hulong hum mba djivid’a mi ang Faron.

Ad’u Tinda 41:25

Josef mi de mi Faron ala: Adï mang nga dang ndata, nabo tat tu. Alona mi tagangî vama mam mba mi luma.

Ad’u Tinda 49:1

Jakob mi yï grom suma andjofâ gevemu, mi dazi ala: Agi togogïya! An dagi yam ahle suma a mba mba kagi ndjivina.

Sawal la giled’a 115:3

Alo meina mi sä nakulo; nga mi le vama hurum minima mi.

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Jeremi 30:24

Ma didina nga mi i avogovok kayî mam ma bibiliuna á ndak vun ahlena pet suma mam nga hurum kazina. Bur tu agi mba wagi ad’ud’a woi tetet.

Jeremi 48:47

Ma didina mi dala: Wani an mba ni hulongî ki suma Mowap suma a yozi magombina kur atchogoi d’a dabid’a. Wana ni sariya d’a kad’a an kat yam suma Mowap-mid’a.

Ezekiyel 28:3

Ang djib’er ala ang kal Danel ki ned’a, ang ndak á wahle suma ngeid’a gumun kä na mi.

Ezekiyel 38:16

Ang mba mba ata man suma Israel-lâ d’igi d’ugul la ti duk yam andagad’id’a na. Bizad’a mba d’i kal ablaud’a, ahle ndazina a mba ndaga. Ang Gok, an mba ni mba ki sed’eng á dur ayîna kambas manda kayambala andjaf suma dingâ a wala an nAlo ma bei tchod’a ba na d’a. Wana ni vama an mba ni lum ki sed’eng kä irazina.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Daniel 1:20

Ata yima amulâ mi djobozi ad’ud’a yam hat ta lara ge d’a yam ned’a ki wed’id’a, nga mi fe hum mba azi hulongômzid’a kal hum mba suma mbuta ki suma a djop ki tchitchiud’a suma kur leu mamba petna a hulongômzid’a yazi dogo.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Daniel 2:18

mi tchenezi á tchen Alo ma sä akulona yam suma mamba tala mi wazi hohowozi mi tagazi adï d’a gumun ndata, kayam a tchazi woi zlapa ki suma ne suma ding suma kur Babilon-na d’uo d’a.

Daniel 2:22

Mam mi ma nga mi tak ahle suma mudurina kahle suma a nga ngeid’ina woina. Ni ma wahle suma a nga kur nduvundina, ni ma nga kaka kur b’od’ina mi.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 2:45

Ang we ahina d’a wal tat tei kahina d’a fiyak ka ked’iwureng nga bei sa mi tin abom atat ba d’a ti to kawei ma wurana, kawei ma hleuna, lubu ma ab’lorina, kawei ma hapma ki lora woi kikizeka. Alo ma ngol ma kal teglesâ mi tagangî ahle suma a mba le blogongâ. Adï d’a danga ni vama ndum mbei ma gagazina, ad’ut ta an vangzid’a ni zla d’a ang tin hurung kata mi.

Daniel 2:47

Bugola, amulâ mi de mi Daniel ala: Gagazi, Alo mangâ nAlo ma kal alona petna, mam mi Salad’a hamuleina mi. Ni ma ndäd’u zla d’a mudurid’a woina. Kayam ndata, ang fad’enga, ang tagan ad’u zla d’a muduri ndata woi wana.

Daniel 4:5

adïd’a danu. Ti mbud’un mandarâ, an djib’er ngola yam azang mana, vana nde tam mbei iran kur muzuganu, vunadigan ndi pat fek mi.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Amos 4:13

Gola! Mam mi ma lahuniyôna ki simetnina, ni ma nga mi tak djib’er mamba mi sanina, ni ma nga mi mbut yorogod’a nduvundina, ni ma nga mi tit akulo yam fiyaka handagad’ina, simiyêm ala Ma didina Alo ma ad’engêm kal petna.

Ndumba 24:14

Ki tchetchemba, an nga ni i gen sum mana. Ang mbeya, an ni dang ngei yam vama sum ndazina a mba lum ki sum mangâ kur atchogoi d’a nga d’i mbad’ina.

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.

Gat ta a hat á mbàd’id’a 31:19

Ki tchetchemba, agi b’irigi sawal la wanda, agi had’at mi Israel-lâ, agi tinizizi avunaziya. Sawal ndata mba d’i le glangâs mana yam Israel-lâ.

Gat ta a hat á mbàd’id’a 4:30

Ahle ndazina a mba mba kagiya. Kur yor ta magid’a agi mba hulongôgi gen Ma didina Alo magina, agi mba humum vunam mi.

2 Timote 3:1

Wani an gang humang ala kur bur ma danana yima tchona mba mi mba.

Hebre-na 1:1

Adjeu Alona mi de zlad’a yam ablaud’a mabuyoi ngolo ki lovod’ot teteng navun mam suma djok vuna.

2 Pierre 3:3

Ar agi wagi woi avok tua, kur bur ma danana suma las suma a mba mba á las suma, a mba tit kur d’od’oka hi hliu tazid’a kur min mazid’a.

Vama ndum mbeina 1:1

Mbaktum mba wanda ti ta’î ahle suma Jesus Christ mi ndazi woina. Nahle suma Alona mi humzi mi tagazi woi mazungeî mam suma sunda vama ar go á mbad’ina. Nahle suma Christ mi sun malaika mama á tagazi woi mazong mama Jean-na.