Daniel 12:4 - Bible azumeina

⁴ Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Daniel 12:4 Iomraidhean Croise

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 29:11

Ahle suma a nga nde tazi iragina pet, a mbut ni d’igi zla d’a kur mbaktum mba a reyêt vunat ki dubangîd’a na. A hat mi sama mi we ndumbina ala: Ang ndumud’u! Wani mi hulong dala: An ndak kuo, kayam vunat mi reîd’a ki dubangâ.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Isai 32:3

Suma a nga gol yinina a mba tchem irazi d’i, suma a nga huma a mba hum mbei tetet mi.

Isai 8:16

An ngom zla d’a mam dandjid’a kä, an b’al vun vama mi ndandji woina kä aduk man suma hata.

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Daniel 10:1

Kur biza d’a hindi d’a Sirus amul ma Perse-na nga mi tamulid’a, a ndäd’u zlad’a woi mi Daniel ma a yum ala Beltasar-râ. Zla ndata ni zla d’a gagazid’a. A dum ala: Ayî ma ngolâ nga mi mba. Daniel mi ve zla ndata, mi wäd’u vama nde tam mbei irama mi.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Daniel 10:21

Wani an nga dang vama a b’irim kä kur mbaktum mba gagazid’ina. Sama mi ndjunun á dur ki suma djangû ndazinina nga d’i, ni ma ngol magina Michel hol.

Daniel 11:33

Suma ne heî suma adigazina, a mba hat suma dingâ ablaud’a. Wani a mba tchi suma dingâ adigaziya, a mba ngal suma dingâ woi kakud’a, a mba yo suma dingâ magomba, a mba hurumuzi ahligiyeziya, a mba lazi hina bizad’a tcha.

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.

Daniel 12:13

Wani ang Daniel, ang i d’o gak bur mang ma dabid’a. Ang mba mid’a, wani ang mba tchol akulo á ve wurak manga kur atchogoi d’a dabid’a.

Daniel 12:5

Ata yima an Daniel nga ni gol vama nde tam mbei irana tua na, suma mbà a nga tchola, tu abo aluma abo hî, tu abo aluma abo hî mi.

Daniel 12:9

Mi hulong dan ala: Daniel, ang i d’o. Zla ndata mba d’i arî ngeid’a vunat reîd’a hina gak atchogoi d’a dabid’a.

Daniel 8:17

Gabriel mi hut geven ata yima an nga tchola kuana. An le mandarâ, an puk kä ki iran andaga. Wani mi dan ala: Ang gor sana, ang huma. Vama nde tam mbei irang máma ni yam dabid’a hatchogoid’id’a.

Daniel 8:19

Bugola, mi dan ala: An nga ni tagang vama nga mi mba ata yima a ngama, ata yima ayîna hAlonina mba mi dapma.

Daniel 8:26

Vama nde tam mbei irang yam fladeged’a ki yorogod’ina ni zla d’a gagazid’a. Wani ang ngom zlad’a hi vama nde tam mbei irang mámid’a kä muduriya, kayam ndat mba d’i le ni kur atchogoi d’a sä deid’a.

Matiye 24:14

Zla d’a Djivi d’a yam leud’a hAlonid’a a mba tchat walat tei mi suma yam andagad’ina pet á le glangâsâ mandjaf suma pet. Ata yi máma, ad’u dabid’a mba d’i mba.

Romê-na 10:18

Wani an nga ni djop ala: Azi hum nga zla ndata d’uo zu? Azi hum wa gagazi, kayam mbaktumba hAlonid’a ti dala: Suma a humuzi delezi yam andagad’a pet, zla mazid’a ti b’rau woi avun dabid’a handagad’id’a pet mi.

Vama ndum mbeina 10:4

Ata yima an hum breî d’a kid’iziyad’a halonid’ina, an min ala ni b’ir ahle ndazina. Wani an hum del la tcholï akulod’a ti dan ala: Ang ve breî d’a kid’iziya ndata kurungû, ang b’irit ti.

Vama ndum mbeina 22:10

Mi dan kua ala: Ang ngei zla d’a a nga djogot vunat tei kur mbaktum ndatid’a kä d’i, kayam yima ngam yam ahle ndazina ar go.

Vama ndum mbeina 5:1

Bugola, an we mam ma nga kaka yam zlam mba amulina, mbaktum mba dut ta a b’ir kurut mi blogot mi d’a, ti nga ved’a abom ma ndjufâ. Ti nga b’ala ki dubangâ kid’iziya.