Daniel 12:2 - Bible azumeina

² Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

Daniel 12:2 Iomraidhean Croise

Zla d’a d’ogolâ 12:8

Suma a nga yor sana ni yam wäd’u mamba, wani sama hurum tchod’ina, suma a nga golom is.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Isai 66:24

Ata yima suma a mba buzuk abuna, a mba we mad’a suma a kak djangûna ki sed’ena tchuka kä. Ndjuvul ma atazina nga mi bo d’i, aku mazid’a nga d’i mit tei d’uo mi, a mba mbut ni vama ndjendjed’a ir suma pet mi.

Jeremi 20:11

Wani Ma didina, angî ma sib’ika, angî ma dur kana. Kayam ndata, suma a nga djobon vunana a mba puk kä. Azi mba kus kan ndi, azi mba tchuk susub’ok abo kus sa azi kus nga kan nduo d’a, azi mba mbut zulona burâ ki burâ. Ni zulo ma sa mba mi mar kam mbuo na mi.

Ezekiyel 37:12

Kayam ndata, ang djok vuna mi Israel-lâ, ang dazi ala: Salad’a Ma didina mi dala: Gola! Agi sum mana, an mba ni mal vun asu magid’a woyo, an mba ni hulongôgï yam andaga d’a Israel-la.

Wana ni mbaktumba hi Oze-d’a 13:14

An mba ni prud’uzi woi ata yima azuleina zu? An mba ni prud’uzi woi abo matna zu? Ang matna, tugud’ei mang nga tcho d’a tchi matna ti nga ni lara ge? Ang yima azuleina, ad’engêng nga ang b’lak ki sumid’a ti nga ni lara ge? We hohoud’a dap vita iranu.

Matiye 25:46

Azi mba i kur ndak ka didinda, wani suma d’ingêrâ a mba i kur ari d’a didinda mi.

Sunda hi suma a sunuzinid’a 24:15

An tin hurun yam Alona d’igi azi tazid’a a tin huruzi na á djup tchol la akulod’a hi suma d’ingêrâ ki suma bei d’ingêrâ aduk suma matnid’a.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Romê-na 9:21

Sama min deina mi nga kad’enga yam lubuna ki mbuk ka tud’a á min dei ma djivina, á min ma tchona mi d’uo zu?

1 Tasaloni’â 4:14

Le ei nga hei gagazid’a ala Jesus mi mid’a mi tchol akulo aduk suma matna miyu ni, hina mi, ei hei gagazid’a ala suma a he gagazid’a yam Jesus suma a bona, Alona mba mi hulongôzi arid’a zlapa ki Jesus mi.

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.