Daniel 12:1 - Bible azumeina

¹ Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Daniel 12:1 Iomraidhean Croise

Sawal la giled’a 56:8

Kur tcho mazi ndata hina pet ni, azi mba prut tei abong zu? Alo mana, ang kuzuzi vunazi kayî mangâ.

Sawal la giled’a 69:28

Ang ndumuzi tcho mazid’a yam ndrat tchod’a, ar azi kal kur d’ingêr manga d’uo mi.

Isai 4:3

Ata yi máma suma a mba ar kur Siyon-na ki suma a mba ar avo Jerusalem-ma a mba yazi ala Suma a tinizi irazi vazi mi Ma didinina. Ni suma a mba b’irizi simiyêzi á kaka avo Jerusalem-ma.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Ezekiyel 13:9

An mba mi hlabon kan akulo á ngop suma djok vun suma ahle suma hawa ya’â nga nde tazi irazi suma a nga djok vun ma ka zlad’ina. Azi mba kal kur toka hi sum manid’a d’i, a mba b’irizi simiyêzi kä kur mbaktumba hi Israel-lîd’a d’i, a mba hulong yam ambas mazi d’a Israel-la d’uo mi. Hina wani, agi mba wagi ala an ni Salad’a Ma didina.

Ezekiyel 34:24

An Ma didina mba ni arî Alo mazina, azong mana David mba mi arî ma ngol ma adigazina mi. An Ma didina ni de na.

Ezekiyel 5:9

An mba ni ngobogi ki ngop pa an nga bei ngop ki sa tua d’a, an mba ni ngop ki sa bugol luo mi, kayam sun magi d’a ndjendjed’a ti kal ngola heî.

Daniel 10:13

Wani amul ma kur leu d’a Perse-d’ina mi tchol ad’enga ki sed’en gak burâ dok mbà yam tu. Wani Michel ma ngol ma aduk malaika suma nglonina, mi mba mi ndjununu, kayam amul ma kur leu d’a Perse-d’ina mi d’elen nga kaka gevem kä.

Daniel 10:21

Wani an nga dang vama a b’irim kä kur mbaktum mba gagazid’ina. Sama mi ndjunun á dur ki suma djangû ndazinina nga d’i, ni ma ngol magina Michel hol.

Daniel 11:45

Mam mba mi tin zlub’u mam mba amula aduk alum ma ngol ma Mediterane-na kahina d’a a tinit irat vat kur ambasa yat ma djivi ma kalîd’a. Ata yi máma matna mba mi mba kam atogo dumuzi bei sa mi ndjunum ba.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Daniel 9:12

Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Matiye 24:21

Ndak ka ngol la mba d’i le suma kur bur mámid’a, kad’u tinda hi duniyad’id’a dei gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Marik 13:19

Ndak ka ngol la mba d’i le suma kur bur mámid’a kad’u tinda hi duniyad’id’a dei kid’a Alona mi lahlena peta gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Wana ni Zla d’a Djivi d’a Luc mi b’irita 10:20

Kayam ndata, agi lagi furîd’a ala muzuk ma teteng ma tchona mi ge yam kä ad’ugiya na d’i, wani agi lagi furîd’a kayambala simiyêgi mi nga b’ira akulo kur mbaktumba hAlonid’a d’a.

Romê-na 11:15

Le keng nga a kengêzi woid’a zlap suma kur duniyad’a kAlona ni, fata Alona mi hulongôzïd’a ni nana ge? Ni d’igi suma a tchol akulo karid’a aduk suma matnina na.

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

Efes-sâ 1:21

Christ nga mi te yam suma te yamba pet, yam vun ma hed’a, yam suma ad’enga, yam suliyo d’a sud’a pepet ki simi ma lara ge pet ma a nga yuma, ni kur atchogoi d’a wanda hol li, wani kur ra nga d’i mbad’a mi.

Filip-ma 4:3

Ndran ma sun ma d’engzengâ, an nga ni tchenengû, ang ndjun arop ndazina. Kayam azi dur ayîna geven á b’rau Zla d’a Djivid’a zlapa ki Klemâ ki ndron suma sun suma simiyêzi nga b’ira kur mbaktum mba arid’ina mi.

Jude 1:9

Wani ata yima Michel ma ngolâ hi malaikanina tamba mi nga mi yal ki Diable ata yima a tchi tazi tuguyod’a yam mad’a Moise-sâ, mi kam nga sariya d’a tchod’a kam mbi, wani mi dum ala: Ar Ma didina mi ngobongû.

Vama ndum mbeina 12:7

Ata yi máma, ayîna mi tchol akulo hur alona. Michel ki malaika mama a nga dur ayîna ki dragona, dragona ki malaika mama a nga dur ayîna ki Michel mi.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.

Vama ndum mbeina 3:5

Suma kus ayînina a mba tchuk baru ma hapma hina mi, an mba ni tchazi simiyêzi woi kur mbaktum mba arid’a d’i, an mba ni de woi kazi avok Abun ki malaika mama ala azi ni mana.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.