Daniel 11:6 - Bible azumeina

⁶ Bugol bizad’a tcha, azi mba djin zla mazid’a. Amul ma abo ma sutnina goromba mba d’i vamul ma abo ma norîna á djin zla mazid’a tu, wani djin vun máma mba mi i avok ki. Ndjuvud’u, gorozina, ndat tata ki suma a nguyutna kabud’u, a mba tchazi woi pet.

Daniel 11:6 Iomraidhean Croise

Wana ni mbaktumba hi Job-pa 38:15

Suma asa’atna b’o mazid’a nga d’i b’o kazi d’uo d’a, abozi ma a hlum akulona, mi kus seyo.

Sawal la giled’a 10:5

Ahle suma mi lazina nga mi fazi tatap; sariya nga d’i vum mbi; nga mi gol mam suma djangûna is mi.

Ezekiyel 30:21

Ang gor sana, an kus wa Faron amul ma Ezipte-na bigam mbeyo. Gola! Sama mi gumzi á tchilimzina nga d’i, d’oze sama mi d’ud’umzi ki bandana tala ti sira ad’enga á ve mbigeu d’a fiyaka na nga d’i.

Daniel 11:13

Amul ma abo ma norâ mba mi hulong tok azigar suma dingâ kal suma avo’â. Bugol bizad’a tcha, mam mba mi mba ki azigar suma a min tazi kahle suma sïna ngolina ablaud’a.

Daniel 11:15

Amul ma abo ma norâ mba mi mba, mba mi mbu andagad’a akulo ad’u azì ma ngol ma ad’eng ma ngunguna, mba mi hlumu. Amul ma abo ma sutna ki grang mam suma durâ, hina pet pî, a mba tchol avorom mbi, a mba fad’enga á tchol avorom mbuo mi.

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.

Daniel 11:7

Wani ma dingâ tu ad’u andjavat mba mi vrak balum abumu, mba mi nde azigarâ hamul ma abo ma norîna durâ kä kur aziyam ma ad’eng ma ngunguna, mba mi kus kaziya.

Zakari 11:16

Kayam an mba ni tchol ki ma pol ma dingâ. Mam mba mi djib’er yam tumiyô suma a nga lá bad’a woina d’i, mba mi hal tumiyô suma gureina d’i. Mba mi tchil suma mbuleina d’i, mba mi he tena mi suma a nga ki irazina d’i, mba mi mut hliwa suma d’orâ, mba mi pawazi gak i kä ata aseziya.